IND vs SL: பரிதாபமாக வெளியேறிய ஜெய்ஸ்வால்.. குழம்பிப் போன கே எல் ராகுல்.. மோசமான ரன் அவுட்

காலே: இலங்கை அணிக்கு எதிரான முதலாவது டெஸ்ட் போட்டியில் டாஸ் வென்று முதலில் பேட்டிங் செய்த இந்திய அணிக்கு, தொடக்க வீரர் யஷஸ்வி ஜெய்ஸ்வால் மோசமான முறையில் ரன் அவுட்டாகி ஏமாற்றம் அளித்தார். ஆரம்பம் முதலே சிறப்பாக விளையாடி வந்த ஜெய்ஸ்வால் 37 பந்துகளில் 5 பவுண்டரிகளுடன் 32 ரன்கள் எடுத்திருந்த போது துரதிர்ஷ்டவசமாக வெளியேறினார்.

இந்திய இன்னிங்ஸின் 11வது ஓவரின் கடைசி பந்தில் (10.6 ஓவர்) இந்த எதிர்பாராத சம்பவம் நிகழ்ந்தது. அறிமுக சுழற்பந்து வீச்சாளர் கேஷரா நுவந்தா வீசிய பந்தை கே எல் ராகுல் தட்டிவிட்டு ஒரு ரன் எடுக்க வேகமாக ஓடினார். அப்போது பந்தை தடுக்க பாய்ந்த பந்துவீச்சாளர் நுவந்தா மீது எதிர்முனையில் நின்ற ஜெய்ஸ்வால் எதிர்பாராதவிதமாக மோதி ஆடுகளத்தில் கீழே விழுந்தார்.

ஜெய்ஸ்வால் கீழே விழுந்ததைக் கண்ட ராகுல் பாதியிலேயே ஓடுவதை நிறுத்தி நின்றார். ஆனால் சட்டென எழுந்து நின்ற ஜெய்ஸ்வால் ரன் ஓடலாம் என ஒரு அடி முன்னே எடுத்து வைத்தார். பின்னர் உடனடியாக தனது முடிவை மாற்றி மீண்டும் பந்துவீச்சாளர் முனைக்கே திரும்ப முயன்றார். ஜெய்ஸ்வாலின் இந்த குழப்பமான சைகையால் ராகுலும் முன்னோக்கி வேகமாக ஓடிவந்தார். இறுதியில் இருவருமே பந்துவீச்சாளர் முனையிலேயே வந்து நின்றனர். இதில் ராகுல் முதலிலேயே பேட்டை கிரீஸுக்குள் வைத்ததால் விதிமுறைப்படி ஜெய்ஸ்வால் ஆட்டமிழந்தார்.

சுதந்திர தினத்தில் மாபெரும் வரலாற்றுச் சாதனை செய்த இந்திய அணி.. உலகிலேயே 600 டெஸ்ட் ஆடிய 3வது அணி

பந்தை பிடித்த பிரபாத் ஜெயசூர்யா விக்கெட் கீப்பர் நிரோஷன் டிக்வெல்லாவிடம் எறிந்தார். மோதலால் ஜெய்ஸ்வால் கீழே விழுந்ததை கவனித்த டிக்வெல்லா உடனே பெயில்சை அகற்றாமல், ஸ்லிப்பில் நின்ற கேப்டன் தனஞ்சய டி சில்வாவிடம் ஒப்புதல் கேட்டார். கேப்டனும் அவுட் செய்யுமாறு சைகை காட்டியதை அடுத்து ரன் அவுட் செய்யப்பட்டது. டாஸ் வென்று பேட்டிங்கை தேர்வு செய்த இந்திய அணிக்கு, ஜெய்ஸ்வாலின் இந்த விக்கெட் எதிர்பாராத பின்னடைவாக அமைந்தது.

Also Read

ரோஹித் சர்மாவை தொட்டதால் வந்த வினை.. அஜித் அகர்கர் பதவி நீட்டிப்பில் இழுபறி.. பிசிசிஐ ஆலோசனை