வெ.இண்டீஸ் தொடரில் முக்கிய இந்திய வீரர் திடீர் நீக்கம்.. அதிரடி முடிவு.. கசிந்த ரகசியம்!

இந்தியா - வெஸ்ட் இண்டீஸ் தொடர்

இந்தியா - வெஸ்ட் இண்டீஸ் அணிகள் மோதும் மூன்று போட்டிகள் கொண்ட டி20 தொடர் டிசம்பர் 6 முதல் துவங்க உள்ளது. அதைத் தொடர்ந்து மூன்று போட்டிகள் கொண்ட ஒருநாள் போட்டிகள் தொடர் நடைபெற உள்ளது.

தவான் நிலை

இந்த தொடருக்கான அணியில் தவான் இடம் பெறுவாரா? என்று முதலில் ஒரு சந்தேகம் இருந்தது. டி20 போட்டிகளில் தவானின் சமீப கால நிதானமான பேட்டிங் தான் அதற்கு காரணம்.

வங்கதேச தொடர்

வங்கதேச டி20 தொடரில் தவான் ஒவ்வொரு போட்டியிலும் நூறை ஒட்டிய ஸ்ட்ரைக் ரேட்டில் தான் ரன் குவித்தார். அவர் அதிக ரன்கள் எடுத்தாலும் ஸ்ட்ரைக் ரேட் கவலை அளிக்கும் வகையில் இருந்தது.

உள்ளூர் டி20 தொடர்

வங்கதேச டி20 தொடருக்குப் பின் தவான், தன் பேட்டிங் பார்மை மீட்கும் வகையில் சையது முஷ்டாக் அலி டி20 தொடரில் பங்கேற்றார். அந்த தொடரிலும் சுமாராகவே ஆடி வந்தார் அவர்.

உள்ளூர் தொடரில் காயம்

இந்த நிலையில், அவர் ஒரு போட்டியில் அவர் முட்டியில் பலத்த காயம் ஏற்பட்டது. உடனடியாக மருத்துவமனையில் அனுமதிக்கப்பட்டார். சில நாட்களில் அவர் சிகிச்சை முடிவடைந்து கிரிக்கெட் ஆட திரும்புவார் என கூறப்பட்டது.

அணியில் சேர்ப்பு

இந்த நிலையில், அவரது காயம், ஸ்ட்ரைக் ரேட் குறைபாடு ஆகியவற்றை பற்றி கருத்தில் கொள்ளாத தேர்வுக் குழு அவருக்கு தொடர்ந்து வெஸ்ட் இண்டீஸ் அணிக்கு எதிரான ஒருநாள் போட்டிகள் மற்றும் டி20 தொடர்களுக்கான அணியில் இடம் அளித்தது.

திடீர் நீக்கம்

இந்த நிலையில், அவரது காயம் இன்னும் குணமாகாத நிலையில், அவரால் வெஸ்ட் இண்டீஸ் தொடரில் சரியாக ஆட முடியுமா? என்ற கேள்வி எழுந்துள்ளதாகவும், அவர் அந்த தொடருக்கான அணியில் இருந்து நீக்கப்பட இருப்பதாகவும் கூறப்படுகிறது.

அறிவிப்பு வெளியாகும்

விரைவில் இது குறித்த அதிகாரப்பூர்வ அறிவிப்பு வெளியாகும் எனவும் அந்த தகவலில் கூறப்பட்டுள்ளது. தவான் முதலில் நடக்க இருக்கும் டி20 தொடரில் இருந்து மட்டும் நீக்கப்படுவாரா? அல்லது ஒருநாள் தொடரிலும் சேர்த்து நீக்கப்படுவாரா? என்பது அறிவிப்பு வந்த பின்னரே தெரிய வரும்.

மாற்று வீரர் யார்?

தவானுக்கு பதிலாக மாற்று வீரராக சஞ்சு சாம்சன் இடம் பெறலாம் என கூறப்படுகிறது. அவர் வங்கதேச டி20 தொடரில் உத்தேச அணியில் இடம் பெற்று, ஒரு போட்டியில் கூட ஆடாமல் இருந்தார்.

அணியில் இடம்

சஞ்சு சாம்சனுக்கு வெஸ்ட் இண்டீஸ் தொடருக்கான இந்திய அணியில் முதலில் வாய்ப்பு கிடைக்காத நிலையில், தற்போது தவான் நீக்கம் காரணமாக அவர் அணியில் இடம் பெற இருக்கிறார்.