IND vs WI: 5வது டி20யில் இந்த வீரரை கண்டிப்பாக இந்திய அணியில் சேர்க்கனும்.. முன்னாள் வீரர் கருத்து

பெங்களூரு: மேற்கிந்தியத் தீவுகளுக்கு எதிரான ஐந்தாவது மற்றும் கடைசி டி20 போட்டிக்கான இந்திய அணியின் பிளேயிங் லெவனில் சுழற்பந்து வீச்சாளர் குல்தீப் யாதவை சேர்க்க வேண்டும் என்று இந்திய அணியின் முன்னாள் வேகப்பந்து வீச்சாளர் வருண் ஆரோன் வலியுறுத்தியுள்ளார். ஐதராபாத்தில் நடைபெற்ற நான்காவது டி20 போட்டியில் மேற்கிந்தியத் தீவுகள் அணி 24 ரன்கள் வித்தியாசத்தில் வெற்றி பெற்றதைத் தொடர்ந்து, ஐந்து போட்டிகள் கொண்ட இந்த தொடர் 2-2 என்ற கணக்கில் சமநிலையில் உள்ளது.

இது குறித்து பேசிய வருண் ஆரோன், சின்னசுவாமி மைதானத்தில் தற்காப்பு ஆட்டத்தை விட விக்கெட்டுகளை வீழ்த்தும் அதிரடி அணுகுமுறையே அவசியம் என்று குறிப்பிட்டார். சாஹல் போன்ற மணிக்கட்டு சுழற்பந்து வீச்சாளர்கள் இந்த மைதானத்தில் சிறப்பான வெற்றிகளைப் பெற்றுள்ளதை சுட்டிக்காட்டிய அவர், ரன்களைக் கட்டுப்படுத்த மட்டுமே நினைத்து பந்துவீசினால் அதிக ரன்களை விட்டுக்கொடுக்க நேரிடும் என்று எச்சரித்தார்.

இந்திய அணி ஐந்து முதன்மை பந்துவீச்சாளர்களுடன் களமிறங்க வேண்டும் என்று கூறிய ஆரோன், ஏழாவது வரிசை வரை பேட்டிங் செய்யக்கூடிய வீரர்கள் இருப்பதால், ஐந்து பந்துவீச்சாளர்களைக் கொண்டு தாக்குதல் ஆட்டத்தை வெளிப்படுத்துவதே கோப்பையைக் கைப்பற்ற சரியான வழியாக இருக்கும் என்று தெரிவித்தார். தொடரின் முதல் இரண்டு போட்டிகளில் விளையாடிய குல்தீப் யாதவ் 3 விக்கெட்டுகளை வீழ்த்தியிருந்தார். அவருக்குப் பதிலாக அடுத்த இரண்டு போட்டிகளில் விளையாடிய வலதுகை வேகப்பந்து வீச்சாளர் பிரின்ஸ் யாதவ் ஒரு விக்கெட்டை மட்டுமே கைப்பற்றினார்.

IND vs NZ: குல்தீப் யாதவை நீக்கியது தவறு.. முட்டாள் தனமான முடிவு.. அஸ்வின் கடும் விமர்சனம்

கடந்த போட்டியில் இந்திய பந்துவீச்சாளர்களின் திட்டமிடல் சரியாக அமையவில்லை என்று விமர்சித்த சன்ரைசர்ஸ் ஹைதராபாத் அணியின் பந்துவீச்சு பயிற்சியாளரான வருண் ஆரோன், ஆடுகளத்தின் தன்மையை உணர்ந்து பந்துவீச்சாளர்கள் 'ஹார்ட் லென்த்' பகுதியில் தொடர்ந்து பந்துவீச வேண்டும் என்று அறிவுறுத்தினார்.

பவுண்டரிகள் சென்றவுடனேயே இந்திய பந்துவீச்சாளர்கள் உடனடியாக 'ஃபுல் லென்த்' பந்துகளை வீசத் தொடங்குவதாகவும், அதனைப் பயன்படுத்தி மேற்கிந்தியத் தீவுகள் பேட்டர்கள் அதிக சிக்ஸர்களை விளாசுவதாகவும் அவர் சுட்டிக்காட்டினார்.

Also Read

IND vs WI: ஆர்ஸ்தீப் சிங் பந்துவீச்சு தான் தோல்விக்கு காரணமா? முன்னாள் சிஎஸ்கே வீரர் கருத்து

மூன்றாவது போட்டியில் அர்ஷ்தீப் சிங் 'லென்த்' பந்தில் ஷாய் ஹோப்பை விக்கெட் எடுத்ததை உதாரணமாகக் கூறிய அவர், நான்காவது போட்டியில் அந்தத் திட்டத்தை இந்திய பந்துவீச்சாளர்கள் சரியாகச் செயல்படுத்தவில்லை என்று கூறினார். இதன் காரணமாகவே ஷாய் ஹோப் 50 பந்துகளில் ஆட்டமிழக்காமல் 102 ரன்கள் குவித்து, மேற்கிந்தியத் தீவுகள் அணி 247 ரன்கள் என்ற பிரம்மாண்ட இலக்கை எட்ட உதவினார் என்றும் குறிப்பிட்டார்.