கண்கலங்கிய ஹர்மன்பிரீத் கவுர்.. 41 பந்தில் 91 ரன்கள் விளாசி ஜிம்பாப்வேக்கு எதிரான ஆட்டத்தில் அபாரம்

ராய்ப்பூர்: ஜிம்பாப்வே அணிக்கு எதிரான 3-வது மகளிர் டி20 போட்டியில், இந்திய அணியின் முன்னாள் கேப்டன் ஹர்மன்பிரீத் கவுர் அதிரடி பேட்டிங் மூலம் மிரட்டினார். தனது பழைய ஃபார்முக்குத் திரும்பிய அவர், வெறும் 41 பந்துகளில் 10 பவுண்டரிகள், 5 சிக்சர்களுடன் ஆட்டமிழக்காமல் 91 ரன்கள் குவித்து மைதானத்தை அதிர வைத்தார்.

இவரது அதிரடியால் இந்திய அணி 7 விக்கெட் இழப்புக்கு 216 ரன்கள் குவித்தது. பின்னர் ஆடிய ஜிம்பாப்வே அணியை 92 ரன்கள் வித்தியாசத்தில் வீழ்த்திய இந்திய அணி, 3-0 என்ற கணக்கில் தொடரை முழுமையாகக் கைப்பற்றி கோப்பையை வென்றது. ஆட்டத்தின் இன்னிங்ஸ் இடையே அவரது பேட்டி குறித்து பேட்டியில் பேசிய போது ஹர்மன்பிரீத் கவுர் உணர்ச்சிவசப்பட்டு கண்கலங்கும் நிலைக்குச் சென்றார். கேப்டன்சி சுமை இல்லாத நிலையில், பேட்டிங்கை மீண்டும் ரசித்து ஆடிய மகிழ்ச்சியை அவரால் கட்டுப்படுத்த முடியவில்லை.

ஹர்மன்ப்ரீத் கவுர் கேப்டன் பதவியில் இருந்து விலகிய நிலையில், புதிய கேப்டனாக நியமிக்கப்பட்ட ஸ்மிருதி மந்தனாவுக்கும் அவருக்கும் இடையே சில மாதங்களாக பனிப்போர் நடைபெற்று வருவதாக பேசப்பட்டது. இதனிடையே ஒரு பேட்டராக மட்டுமே ஆடி வரும் ஹர்மன்பிரீத் சில போட்டிகளில் சரியாக ரன் குவிக்கவில்லை என்றாலே அணியில் இருந்து நீக்கப்படலாம் என்றே நிலை இருந்தது, இந்த சூழலில் தான் அவர் 91 ரன்கள் குவித்து இருக்கிறார்.

"நீ விரும்பியபடி சுதந்திரமாக விளையாடு" என முன்பு டபுள்யூ.வி. ராமன் பயிற்சியாளராக இருந்த போது கூறிய வார்த்தைகளே தனக்கு பெரிய மன தைரியம் தந்ததாக ஹர்மன்பிரீத் தெரிவித்தார். முதல் பந்திலேயே அடித்த பவுண்டரி தனது நம்பிக்கையை மீட்டெடுத்ததாகக் குறிப்பிட்ட அவர், வலைப்பயிற்சியில் பேட் ஸ்விங் நுட்பத்தை மெருகேற்ற உதவிய பேட்டிங் பயிற்சியாளர் ஹிமான்ஷுவுக்கும் மனதார நன்றி கூறினார்.

வில்வித்தையில் இந்தியாவுக்கு வெள்ளி.. ஆசிய பாரா விளையாட்டில் ஷீத்தல் தேவி, பாயல் நாக் ஜோடி அபாரம்

அனைத்து வகையான போட்டிகளின் கேப்டன் பொறுப்பில் இருந்தும் விலகிய ஹர்மன்பிரீத், தற்போது புதிய கேப்டன் ஸ்மிருதி மந்தனா தலைமையில் பேட்டராக மட்டுமே களம் காண்கிறார். இந்த நிலையில் வெளிவந்த அவரது அதிரடி ஆட்டம், இந்திய அணிக்கு மிகப்பெரிய உத்வேகத்தை அளித்துள்ளது. இவ்விரு அணிகள் மோதும் 3 போட்டிகள் கொண்ட ஒருநாள் தொடர் அக்டோபர் 23 அன்று வதோதராவில் தொடங்குகிறது. அங்கும் இவரது அதிரடி தொடரும் என ரசிகர்கள் ஆவலுடன் காத்திருக்கின்றனர்.