IND vs WI: சிக்சர் அடிப்பதில் இந்திய அணி உலக சாதனை.. வெஸ்ட் இண்டீஸ் தொடரில் வெறியாட்டம்

சண்டிகர்: வெஸ்ட் இண்டீஸ் அணிக்கு எதிராக நடைபெற்ற 3வது ஒருநாள் போட்டியில் டாஸ் வென்று முதலில் பேட்டிங் செய்த இந்திய அணி, 50 ஓவர்களில் 7 விக்கெட் இழப்பிற்கு 351 ரன்கள் குவித்தது.நியூ சண்டிகரில் நடைபெற்ற முதலாவது ஒருநாள் போட்டியில், ராகுல் 6 சிக்ஸர்களை விளாசினார். ரோஹித் 3, கெய்க்வாட் 4, நமன் தீர் 2 மற்றும் அன்ஷுல் கம்போஜ் 2 சிக்ஸர்களை அடித்தனர்.

இந்த மூன்றாவது ஒருநாள் போட்டியில் மட்டும் இந்திய அணி மொத்தம் 17 சிக்ஸர்களை விளாசி, இந்தத் தொடரில் தனது மொத்த சிக்ஸர்களின் எண்ணிக்கையை 45 ஆக உயர்த்தியது. வெஸ்ட் இண்டீஸுக்கு எதிரான மூன்று போட்டிகளில் இந்திய அணி அடித்த இந்த 45 சிக்ஸர்கள், மூன்று போட்டிகள் கொண்ட இருதரப்பு ஒருநாள் தொடரில் அதிக சிக்ஸர்கள் அடித்த இங்கிலாந்து அணியின் சாதனையை முறியடிக்க உதவியது.

முன்னதாக, மார்ச் 2021 இல் நடைபெற்ற இந்தியாவிற்கு எதிரான தொடரில் இங்கிலாந்து அணி 37 சிக்ஸர்களை அடித்ததே சாதனையாக இருந்தது. தற்போதைய தொடரில் இந்திய அணி அடித்த 45 சிக்ஸர்களே ஒரு இருதரப்பு ஒருநாள் தொடரில் அவர்கள் அடித்த அதிகபட்ச சிக்ஸர்களாகும்.

IND vs WI: மீண்டும் சதத்தை தவறவிட்ட ரோகித் சர்மா.. தனி ஆளாக போராடி அணியை காப்பாற்றிய ஹிட்மேன்

ஒரு இருதரப்பு ஒருநாள் தொடரில் அதிக சிக்ஸர்கள் அடித்த உலக சாதனையை ஆஸ்திரேலியா தன்வசம் வைத்துள்ளது. 2013 ஆம் ஆண்டு இந்தியாவிற்கு எதிரான 6 போட்டிகள் கொண்ட தொடரில் ஆஸ்திரேலிய அணி 66 சிக்ஸர்களை விளாசியிருந்தது. அதேபோல், 2019 ஆம் ஆண்டில் இங்கிலாந்துக்கு எதிரான 5 போட்டிகள் கொண்ட உள்நாட்டுத் தொடரில் வெஸ்ட் இண்டீஸ் அணியும் 66 சிக்ஸர்களை அடித்திருந்தது.

தற்போதைய தொடரில் இந்திய அணி சார்பில் அதிகபட்சமாக ரோஹித் சர்மா 12 சிக்ஸர்களையும், விராட் கோலி மூன்று இன்னிங்ஸ்களில் 10 சிக்ஸர்களையும் அடித்துள்ளனர். ஷுப்மன் கில் மூன்று போட்டிகளில் 9 சிக்ஸர்களுடனும், கேஎல் ராகுல் ஒரு இன்னிங்ஸில் 6 சிக்ஸர்களுடனும் அடுத்தடுத்த இடங்களில் உள்ளனர்.

நியூ சண்டிகரில் நடைபெற்ற போட்டியில் ரோஹித் சர்மா 3 சிக்ஸர்களை அடித்ததன் மூலம், சர்வதேச கிரிக்கெட்டில் வெஸ்ட் இண்டீஸ் அணிக்கு எதிராக அவர் அடித்த சிக்ஸர்களின் எண்ணிக்கை 100 ஆக உயர்ந்தது. சர்வதேச கிரிக்கெட் அரங்கில் வெஸ்ட் இண்டீஸ் அணிக்கு எதிராக 100 சிக்ஸர்களை அடித்த உலகின் முதல் பேட்ஸ்மேன் என்ற பெருமையை அவர் பெற்றுள்ளார்.

Also Read

IND vs WI: ராகுல் டிராவிட்டின் 27 ஆண்டுக்கால சாதனையை சமன் செய்த கேஎல் ராகுல்

சர்வதேச கிரிக்கெட்டில் ஒரு குறிப்பிட்ட அணிக்கு எதிராக 100-க்கும் மேற்பட்ட சிக்ஸர்களை அடித்த வீரர்கள் உலகில் இருவர் மட்டுமே உள்ளனர். அதில் இரண்டு வெவ்வேறு அணிகளுக்கு எதிராக 100-க்கும் மேற்பட்ட சிக்ஸர்களை விளாசிய ஒரே வீரர் ரோஹித் சர்மா மட்டுமே ஆவார். வெஸ்ட் இண்டீஸ் அணிக்கு எதிராக அடித்த 100 சிக்ஸர்கள் தவிர, ஆஸ்திரேலிய அணிக்கு எதிராக அவர் 138 சிக்ஸர்களை அடித்துள்ளார் என்பது குறிப்பிடத்தக்கது.