இன்று தொடங்குகிறது இந்தியா-மேற்கிந்திய தீவுகள் 2வது டெஸ்ட்.. காயத்தால் முரளி விஜய் விலகல்

பந்து பட்டு காயம்

முதல் டெஸ்ட் போட்டியில் 7 ரன்னில் விஜய் அவுட் ஆனபோது, அவரது கட்டை விரலில் பந்து பட்டு காயம் ஏற்பட்டது. எனவே அவர் ஃபீல்டிங் செய்ய வரவில்லை. ராகுல்தான் அவருக்கு பதிலாக களத்தில் நின்றார்.

ராகுல் களமிறங்க வாய்ப்பு

காயம் இன்னும் குணமாகாத நிலையில் விஜய்க்கு பதில் ராகுலை களமிறக்க இந்திய அணி நிர்வாகம் திட்டமிட்டுள்ளது.

சிறந்த வீரர்

38 டெஸ்ட் போட்டிகள் ஆடியுள்ள விஜய், 2637 ரன்கள் விளாசியுள்ளார். சராசரி ரன் குவிப்பு 40 என்ற அளவில் உள்ளது. 6 சதங்கள், 12 அரை சதங்களும் இதில் சேரும்.

தொடரை கைப்பற்றுமா

இன்று தொடங்கும் 2வது டெஸ்ட் போட்டியில் இந்தியா வெற்றி பெற்று தொடரை கைப்பற்றும் முனைப்பில் உள்ளது. டென் சேனல்களில் இந்த போட்டி நேரடியாக ஒளிபரப்பு செய்யப்படும்.