வாவ்.. வரலாறு படைத்த இந்தியா... பாராட்டு மழையில் கோஹ்லி, அஸ்வின்!

அபாரமான அஸ்வின்

அஸ்வின்தான் இந்த போட்டியின் நிஜமான நாயகன். இந்தியாவின் பேட்டிங்கின்போது அசத்தலாக சதம் போட்ட அவர், மேற்கு இந்தியத் தீவுகளை முழுமையாக முடக்கிப் போட்டு அசத்தி விட்டார்.

பெஸ்ட் பவுலிங்

இதுவரை இல்லாத அளவுக்கு இப்போட்டியில் அஸ்வினின் பந்து வீச்சு இருந்தது. 2வது இன்னிங்ஸில் அவர் 7 விக்கெட்களை அள்ளினார். வெளிநாடு ஒன்றில் அஸ்வினின் சிறந்த பந்து வீச்சு இதுதான்.

17வது முறையாக

அஸ்வின் 17வது முறையாக 5 விக்கெட் வீழ்த்தியுள்ளார். மொத்தம் அவர் 33 டெஸ்ட் போட்டிகளே விளையாடியுள்ளது குறிப்பிடத்தக்கது. தனது பேட்டிங்கின்போது அஸ்வின் 113 ரன்களைக் குவித்திருந்தார். அதுவும் 6வது நிலை வீரராக வந்து. இது அவருக்கு 3வது டெஸ்ட் சதமாகும்.

ஜடேஜாவின் பாராட்டு

இந்திய வீரர் ரவீந்திர ஜடேஜா வெளியிட்டுள்ள டிவிட்டில், இந்த நூற்றாண்டின் மேன் ஆப் தி மேட்ச் அஸ்வின்தான் என்று புகழாரம் சூட்டியுள்ளார்.

வி.வி.எஸ் லட்சுமண்

முன்னாள் டெஸ்ட் ஜாம்பவான் விவிஎஸ் லட்சுமண் வெளியிட்டுள்ள டிவிட்டில் விராத் கோஹ்லி போட்டிக்குப் பின்னர் பேசிய பேச்சு என்னை வெகுவாக கவர்ந்தது என்று கூறி கோஹ்லியைப் பாராட்டியுள்ளார்.

அஸ்வின் இருந்தால் "வின்"தான்.. ஷேவாக்

அஸ்வின் போன்ற ஒரு பந்து வீச்சாளர் இருக்கும்போது நீங்கள் நிச்சயம் வெல்வீர்கள். அஸ்வினுக்கு வாழ்த்துகள். அருமையான போட்டி அஸ்வினுக்கு, கிரேட் வெற்றி என்று வீரேந்திர ஷேவாக் பாராட்டியுள்ளார்.