IND vs AFG ODI: ஒருநாள் தொடரில் ரோகித் பங்கேற்பதில் சந்தேகம்.. பிளேயிங் லெவனில் மாற்றம்?

மும்பை: ஆப்கானிஸ்தானுக்கு எதிரான மூன்று ஒருநாள் போட்டிகளுக்கான 15 பேர் கொண்ட இந்திய அணியை பிசிசிஐ அறிவித்தது. ஜூன் 14 முதல் 20 வரை தர்மசாலா, லக்னோ, சென்னையில் நடைபெறவுள்ள இத்தொடர், 2027 உலகக் கோப்பைக்கான தயாராகும் பயணத்தை இந்தியா துவக்குகிறது. ரோஹித் ஷர்மாவின் உடல் தகுதி மற்றும் சுப்மன் கில்லுடன் யார் தொடக்க வீரர் என்பது போன்ற முக்கிய கேள்விகள் எழுந்துள்ளன.

அணியில் பல மாற்றங்கள் செய்யப்பட்டுள்ளன. இவை தேர்வாளர்கள் அணியின் எதிர்காலத்தை இலக்காக வைத்து செயல்படுவதைக் காட்டுகிறது. கேப்டன் சுப்மன் கில் தொடக்க வீரராகவும், விராட் கோலி மூன்றாவது இடத்திலும் நீடிப்பார்கள். ரோஹித் ஷர்மா பெயர் அணியில் இடம்பெற்றிருந்தாலும், அவரது பங்கேற்பு உடல் தகுதி உறுதியான பின்பே முடிவு செய்யப்படும் என பிசிசிஐ செயலாளர் தேவஜித் சைகியா தெரிவித்தார்.

ஐபிஎல் 2026-ல் தொடைத் தசைப் பிடிப்பு காயத்தால் ரோஹித் பாதிக்கப்பட்டார். அவர் மும்பை இந்தியன்ஸ் அணிக்காக மீண்டும் ஆடினாலும், நீண்ட கால உடல் தகுதி குறித்து தேர்வாளர்களுக்கு கவலை உள்ளது. இதனால் ரோஹித் இந்த தொடரில் பங்கேற்காமலோ அல்லது முழுமையாக ஓய்வெடுக்கவோ வாய்ப்புள்ளது. ரிஷப் பந்த் மற்றும் யஷஸ்வி ஜெய்ஸ்வால் நீக்கப்பட்டதால், ஒருநாள் போட்டிகளில் இரட்டைச் சதம் விளாசிய இஷான் கிஷனுக்கு தொடக்க வீரர் வாய்ப்பு பிரகாசமாகியுள்ளது.

IPL 2026:இப்போ உங்க பேப்பர் எங்க இருக்கு..வைபவ் சூர்யவன்ஷியிடன் அடி வாங்கிய ஆகாஷ் மீது கவாஸ்கர் கேலி

நான்கு, ஐந்து, ஆறாவது இடங்களுக்கு ஷ்ரேயாஸ் ஐயர், கே எல் ராகுல், ஹர்திக் பாண்டியா ஆகியோர் தேர்வு செய்யப்பட்டுள்ளனர். தலைமைப் பயிற்சியாளர் கவுதம் கம்பீரின் ஆல் ரவுண்டர்கள் மீதான ஆர்வம் அணியில் பிரதிபலிக்கிறது. இதன் காரணமாக நித்தீஷ் ரெட்டி மற்றும் வாஷிங்டன் சுந்தர் ஆகியோர் பிளேயிங் லெவனில் இடம்பெறுவார்கள் என எதிர்பார்க்கப்படுகிறது.

பந்துவீச்சுத் தாக்குதல் நியூசிலாந்து தொடரைப் போலவே இருக்கும். அர்ஷ்தீப் சிங் மற்றும் பிரசித் கிருஷ்ணா ஆகியோர் வேகப்பந்து வீச்சை வழிநடத்த, குல்தீப் யாதவ், சுந்தருடன் இணைந்து சுழற்பந்து வீச்சை பலப்படுத்துவார்கள். பிரசித் கிருஷ்ணாவைத் தவிர, மற்ற பந்துவீச்சாளர்கள் ஐபிஎல் 2026-ல் சிறப்பான பார்மை வெளிப்படுத்தவில்லை. அதனால் ஹர்ஷ் துபே, பிரின்ஸ் யாதவ், குர்னூர் பிரார் ஆகிய அறிமுக பந்துவீச்சாளர்களுக்கு இத்தொடரில் வாய்ப்புகள் வழங்கப்படலாம்.

பாகிஸ்தானை ஓயிட்வாஷ் செய்த வங்கதேசம்.. இரு டெஸ்டிலும் பாக். தோல்வி.. WTC பட்டியலில் இந்தியா சரிவு

ஆப்கானிஸ்தானுக்கு எதிரான முதல் ஒருநாள் போட்டிக்கான இந்தியாவின் உத்தேச 11 வீரர்கள்: சுப்மன் கில் (கேப்டன்), ரோஹித் ஷர்மா / இஷான் கிஷன், விராட் கோலி, ஷ்ரேயாஸ் ஐயர் (துணைக் கேப்டன்), கே எல் ராகுல் (விக்கெட் கீப்பர்), ஹர்திக் பாண்டியா, நித்தீஷ் ரெட்டி, வாஷிங்டன் சுந்தர், குல்தீப் யாதவ், அர்ஷ்தீப் சிங் மற்றும் பிரசித் கிருஷ்ணா. மாற்று வீரர்கள்: ஹர்ஷ் துபே, பிரின்ஸ் யாதவ், குர்னூர் பிரார்.