Click it and Unblock the Notifications
சிக்ஸர் பட்டியல்
இந்திய அளவில் அதிக சிக்ஸர்கள் அடித்தவர்கள் பட்டியலில் ரோஹித் சர்மா முதல் இடத்தில் இருக்கிறார். நான்காவது, ஐந்தாவது இடத்தில் தோனி, கோலி இருக்கின்றனர். இவர்கள் இருவரும் டி20 போட்டிகளில் 49 மற்றும் 48 சிக்ஸர்கள் அடித்துள்ளனர்.
சிக்ஸர் அரைசதம்
இரண்டாவது டி20 போட்டியில் தோனி 1 சிக்ஸ் மற்றும் கோலி 2 சிக்ஸ் அடிக்கும் பட்சத்தில் இருவரும் சிக்ஸர்கள் எண்ணிக்கையில் அரைசதத்தை எட்டுவார்கள். கோலி அதிக சிக்ஸர்கள் அடித்தால் தோனியை முந்தி நான்காம் இடம் பிடிக்கவும் வாய்ப்பு உள்ளது.
முதல் இடம் பிடிப்பாரா?
அதிக சிக்ஸர்கள் பட்டியலில் இந்திய அளவில் முதல் இடத்தில் இருக்கும் ரோஹித் சர்மா, உலகளவில் மூன்றாம் இடத்தில் இருக்கிறார். அவர் முதல் இடத்தை பிடிக்க இன்னும் இரண்டு சிக்ஸர்கள் மட்டும் தேவை.
முதல் மூன்று வீரர்கள்
மூன்றாம் இடத்தில் இருக்கும் ரோஹித் சர்மா 86 டி20 இன்னிங்க்ஸ்களில் 102 சிக்ஸர்கள் அடித்துள்ளார். இரண்டாம் இடத்தில் மார்டின் குப்டில் (74 இன்னிங்க்ஸ் 103 சிக்ஸர்கள்), முதல் இடத்தில் கிறிஸ் கெயில் (52 இன்னிங்க்ஸ் 103 சிக்ஸர்கள்) இருக்கின்றனர்.
வெற்றி அவசியம்
இவர்கள் மூவரும் சிக்ஸர் அடிப்பதை விட இந்தியா இரண்டாவது டி20யில் வெற்றி பெற வேண்டியது அவசியம். இரண்டு போட்டிகள் கொண்ட டி20 தொடரில் இந்தியா 0-1 என பின் தங்கி உள்ளது. தொடரில் வெற்றி பெற முடியாவிட்டாலும், சமன் செய்யவாவது இந்தியா முயலுமா?
