IND vs NZ முதல் டி20 போட்டி இரவு 7 மணிக்கு இல்லை.. எத்தனை மணிக்கு துவங்கும்? நேரலை, அணி விவரம்

கிறிஸ்ட்சர்ச்: இந்தியா மற்றும் நியூசிலாந்து அணிகளுக்கு இடையிலான 5 போட்டிகள் கொண்ட டி20 தொடரின் முதல் ஆட்டம் அக்டோபர் 22 வியாழக்கிழமை கிறிஸ்ட்சர்ச் ஹாக்லி ஓவல் மைதானத்தில் நடைபெறுகிறது. வழக்கமாக இந்தியாவில் இரவு 7:00 மணிக்கு தொடங்கும் போட்டிகளுக்கு மாறாக, நியூசிலாந்து நேரப்படி இரவு 8:00 மணிக்கு போட்டி தொடங்கும். அதாவது இந்திய நேரப்படி மதியம் 12:30 மணிக்கு தொடங்கும். டாஸ் மதியம் 12:00 மணிக்கு வீசப்படும். இந்த தொடரை சோனி ஸ்போர்ட்ஸ் தொலைக்காட்சியிலும், சோனி லிவ் செயலியிலும் நேரலையாகக் காணலாம்.

இந்த நீண்ட சுற்றுப்பயணத்தில் மொத்தம் 5 டி20, 5 ஒருநாள் மற்றும் 2 டெஸ்ட் என 12 சர்வதேசப் போட்டிகள் நடைபெற உள்ளன. டி20 போட்டிகளில் இந்தியா - நியூசிலாந்து அணிகள் இதுவரை 29 முறை நேருக்கு நேர் மோதியுள்ளன. இதில் இந்தியா 14 முறையும், நியூசிலாந்து 13 முறையும் வென்றுள்ளன. 2 ஆட்டங்கள் சமனில் முடிந்தன.

இந்திய அணியை ஸ்ரேயாஸ் ஐயர் கேப்டனாகவும், திலக் வர்மா துணை கேப்டனாகவும் வழிநடத்துகின்றனர். நியூசிலாந்தை மிட்செல் சாண்ட்னர் வழிநடத்துகிறார். தோள்பட்டை காயம் காரணமாக நியூசிலாந்து வீரர் ரச்சின் ரவீந்திரா தொடரிலிருந்து விலகியுள்ளார். காயமடைந்த மார்க் சாப்மேன் மற்றும் ஜாக் போக்ஸ் ஆகியோருக்குப் பதிலாக ஜோஷ் கிளார்க்சன், பிளேயர் டிக்னர் சேர்க்கப்பட்டுள்ளனர்.

போட்டி அட்டவணை: முதல் போட்டி அக்டோபர் 22 கிறிஸ்ட்சர்ச், 2-வது டி20 அக்டோபர் 24 கிறிஸ்ட்சர்ச், 3-வது போட்டி அக்டோபர் 27 வெலிங்டன், 4-வது ஆட்டம் அக்டோபர் 30 ஆக்லாந்து மற்றும் 5-வது டி20 நவம்பர் 1 ஹாமில்டன் நகரிலும் இந்திய நேரப்படி மதியம் 12:30 மணிக்கு நடைபெறும்.

ஹர்திக் பாண்டியாவுக்கு விழுந்த அடி.. 2027 ஐபிஎல் வரை சிக்கல்தான்.. காயம் குறித்த அப்டேட்

இந்திய அணி: ஸ்ரேயாஸ் ஐயர், அபிஷேக் சர்மா, சஞ்சு சாம்சன், வைபவ் சூர்யவன்ஷி, இஷான் கிஷன், திலக் வர்மா, அக்சர் படேல், சிவம் துபே, நிதிஷ் குமார் ரெட்டி, நமன் திர், பிரின்ஸ் யாதவ், மயங்க் யாதவ், அர்ஷ்தீப் சிங், புவனேஷ்வர் குமார், வருண் சக்கரவர்த்தி, குல்தீப் யாதவ்.

நியூசிலாந்து அணி: மிட்செல் சாண்ட்னர், ஃபின் ஆலன், மைக்கேல் பிரேஸ்வெல், ஜோஷ் கிளார்க்சன், டெவோன் கான்வே, ஜேக்கப் டஃபி, லாக்கி பெர்குசன், மேட் ஹென்றி, பெவோன் ஜேக்கப்ஸ், கைல் ஜாமிசன், ஆடம் மில்னே, டேரில் மிட்செல், கிளென் பிலிப்ஸ், டிம் செய்ஃபெர்ட், நாதன் ஸ்மித், பிளேயர் டிக்னர்.