ரோஹித், கோலி, வைபவ் சூர்யவன்ஷி ஆடும் இந்தியா - வெஸ்ட் இண்டீஸ் தொடர் எப்போது? போட்டி அட்டவணை!

மும்பை: இந்தியாவில் சுற்றுப்பயணம் மேற்கொள்ளும் வெஸ்ட் இண்டீஸ் கிரிக்கெட் அணி, 3 ஒருநாள் மற்றும் 5 டி20 போட்டிகள் கொண்ட நீண்ட தொடரில் விளையாட உள்ளது. செப்டம்பர் 27 முதல் அக்டோபர் 17 வரை இந்தியாவின் 8 முக்கிய நகரங்களில் இந்த போட்டிகள் நடைபெறுகின்றன. ஒருநாள் தொடருக்கு சுப்மன் கில் கேப்டனாகவும், டி20 தொடருக்கு ஸ்ரேயாஸ் ஐயர் கேப்டனாகவும் நியமிக்கப்பட்டுள்ளனர். வெஸ்ட் இண்டீஸ் அணியை இரு தொடர்களிலும் ஷாய் ஹோப் வழிநடத்துகிறார்.

ஒருநாள் அணியில் ரோஹித் சர்மா, விராட் கோலி ஆகியோர் இடம்பிடித்துள்ள நிலையில், டி20 அணியில் அபிஷேக் சர்மா, வைபவ் சூர்யவன்ஷி, மயங்க் யாதவ் போன்ற இளம் வீரர்கள் இடம் பெற்றுள்ளனர்.

போட்டி தொடங்கும் நேரங்கள்:

• ஒருநாள் போட்டிகள் அனைத்தும் இந்திய நேரப்படி மதியம் 1:30 மணிக்குத் தொடங்கும் (டாஸ் மதியம் 1:00 மணி).
• டி20 போட்டிகள் அனைத்தும் இரவு 7:00 மணிக்குத் தொடங்கும் (டாஸ் மாலை 6:30 மணி).

நேரலை ஒளிபரப்பு விவரம்:

இந்தியா - வெஸ்ட் இண்டீஸ் அணிகள் மோதும் அனைத்துப் போட்டிகளையும் ஸ்டார் ஸ்போர்ட்ஸ் தொலைக்காட்சி அலைவரிசைகளில் நேரலையாகக் காணலாம். ஆன்லைனில் ஜியோஹாட்ஸ்டார் செயலி மற்றும் இணையதளத்தில் போட்டிகள் நேரடி ஒளிபரப்பு செய்யப்படுகின்றன.

இந்தியா - வெஸ்ட் இண்டீஸ் போட்டி முழு அட்டவணை:

ஒருநாள் தொடர்:

• செப்டம்பர் 27 (ஞாயிறு) - 1-வது ஒருநாள் போட்டி: திருவனந்தபுரம் (மதியம் 1:30 மணி)
• செப்டம்பர் 30 (புதன்) - 2-வது ஒருநாள் போட்டி: குவஹாத்தி (மதியம் 1:30 மணி)
• அக்டோபர் 3 (சனி) - 3-வது ஒருநாள் போட்டி: நியூ சண்டிகர் (மதியம் 1:30 மணி)

டி20 தொடர்:

• அக்டோபர் 6 (செவ்வாய்) - 1-வது டி20 போட்டி: லக்னோ (இரவு 7:00 மணி)
• அக்டோபர் 9 (வெள்ளி) - 2-வது டி20 போட்டி: ராஞ்சி (இரவு 7:00 மணி)
• அக்டோபர் 11 (ஞாயிறு) - 3-வது டி20 போட்டி: இந்தூர் (இரவு 7:00 மணி)
• அக்டோபர் 14 (புதன்) - 4-வது டி20 போட்டி: ஐதராபாத் (இரவு 7:00 மணி)
• அக்டோபர் 17 (சனி) - 5-வது டி20 போட்டி: பெங்களூரு (இரவு 7:00 மணி)

அணிகள் விவரம்:

இந்திய ஒருநாள் அணி: சுப்மன் கில் (கேப்டன்), ரோஹித் சர்மா, விராட் கோலி, ருதுராஜ் கெய்க்வாட், கே.எல்.ராகுல், துருவ் ஜூரெல், நிதிஷ் குமார் ரெட்டி, ரவீந்திர ஜடேஜா, குல்தீப் யாதவ், பிரசித் கிருஷ்ணா, குர்னூர் பிரார், முகமது சிராஜ், ஆகிப் நபி, யஷஸ்வி ஜெய்ஸ்வால், நமன் திர்.

இந்திய டி20 அணி: ஸ்ரேயாஸ் ஐயர் (கேப்டன்), அபிஷேக் சர்மா, வைபவ் சூர்யவன்ஷி, இஷான் கிஷன், சஞ்சு சாம்சன், திலக் வர்மா, சிவம் துபே, குல்தீப் யாதவ், அக்சர் படேல், வாஷிங்டன் சுந்தர், ரவி பிஷ்னோய், நிதிஷ் குமார் ரெட்டி, அர்ஷ்தீப் சிங், பிரின்ஸ் யாதவ், மயங்க் யாதவ்.

இவங்க 2 பேரும் டீமில் இருந்தால் 90% உலகக் கோப்பை நமக்குத்தான்.. சுரேஷ் ரெய்னா அதிரடி கணிப்பு

வெஸ்ட் இண்டீஸ் ஒருநாள் அணி: ஷாய் ஹோப் (கேப்டன்), ஜூவல் ஆண்ட்ரூ, ஜான் காம்ப்பெல், கீசி கார்ட்டி, ரோஸ்டன் சேஸ், மேத்யூ போர்டே, ஜஸ்டின் கிரீவ்ஸ், அமீர் ஜாங்கூ, அல்சாரி ஜோசப், ஷமார் ஜோசப், விட்டல் லாவ்ஸ், குடாகேஷ் மோட்டி, கீமோ பால், ஷெர்பேன் ரூதர்போர்ட், ஜெய்டன் சீல்ஸ்.

வெஸ்ட் இண்டீஸ் டி20 அணி: ஷாய் ஹோப் (கேப்டன்), ஜூவல் ஆண்ட்ரூ, ரோஸ்டன் சேஸ், மேத்யூ போர்டே, ஷிம்ரான் ஹெட்மையர், அகீல் ஹொசைன், ஷமார் ஜோசப், குடாகேஷ் மோட்டி, கீமோ பால், கமில் பூரன், ரோவ்மேன் பவல், ஷெர்பேன் ரூதர்போர்ட், குவென்டின் சாம்ப்சன், ரொமாரியோ ஷெப்பர்ட், ஷமார் ஸ்பிரிங்கர்.