புஸ்ஸாகிப் போன பந்துவீச்சு.. போட்டியை “டை” செய்த வெ.இண்டீஸ்.. அதிர்ச்சியில் இந்தியா

இந்திய அணியில் மாற்றம்

முன்னதாக, இந்த போட்டிக்கான இந்திய அணியில் குல்தீப் யாதவ் சேர்க்கப்பட்டு கலீல் அஹ்மது வெளியேற்றப்பட்டார். முதல் போட்டியில் இந்தியா மூன்று வேகப் பந்துவீச்சாளர்கள் இரண்டு சுழற்பந்துவீச்சாளர்கள் கொண்டு களம் இறங்கியது. முதல் போட்டியில் இந்தியா பந்துவீச்சில் அதிக ரன்களை விட்டுக் கொடுத்தது. அதை அடுத்து இரண்டாவது போட்டியில் இந்தியா மூன்று சுழற்பந்துவீச்சாளர்கள் மற்றும் இரண்டு வேகப் பந்துவீச்சாளர்கள் என்ற வியூகத்துக்கு மாறி உள்ளது.

வெஸ்ட் இண்டீஸ் அணி மாற்றம்

வெஸ்ட் இண்டீஸ் அணியில் ஒரே ஒரு மாற்றமாக முதல் போட்டியில் அறிமுகமான ஒஷேன் தாமஸ் நீக்கப்பட்டு அவருக்கு பதிலாக மற்றொரு புதிய வீரர் ஓபேத் மேக்காய் களம் இறங்குகிறார். வெஸ்ட் இண்டீஸ் அணி முதல் போட்டியில் பேட்டிங்கில் கலக்கியது. எனினும், பந்துவீச்சில் கோட்டை விட்டது. இந்த போட்டியில் இரண்டிலும் அந்த அணி ஆதிக்கம் செலுத்தும் பட்சத்தில், இந்தியாவுக்கு தடுமாற்றத்தை கொடுக்க முடியும்.

இந்தியா அணி பேட்டிங்

முன்னதாக இரண்டாவது ஒருநாள் போட்டியில் டாஸ் வென்ற இந்தியா பேட்டிங் தேர்வு செய்தது. துவக்க வீரர்களாக தவான், ரோஹித் சர்மா களம் இறங்கினர். முதல் போட்டியில் சதம் அடித்த ரோஹித் சர்மா 4 ரன்களில் ஆட்டமிழந்தார். அடுத்து தவான் நர்ஸ் பந்தில் LBW முறையில் ஆட்டமிழந்தார். கோலி, ராயுடு இணைந்து அணியை வழிநடத்தினர். வலுவான கோலியை வெளியேற்ற முடியாமல் வெஸ்ட் இண்டீஸ் பந்துவீச்சு திணறியது. ராயுடு சிறப்பாக ஆடி 73 ரன்கள் அடித்து வெளியேறினார். அடுத்து தோனியுடன் இணைந்து ஆடிய கோலி 81 ரன்கள் அடித்த போது அதிவேகமாக 10,000 ரன்களை கடந்த இந்தியர் என்ற சாதனையை செய்தார்.

தோனி ஏமாற்றினார்

தோனி 20 ரன்களில் ஆட்டமிழந்து மீண்டும் ஏமாற்றினார். அடுத்து வந்த ரிஷப் பண்ட்டும் 17 ரன்களில் வெளியேறினார். கோலி நிலையாக ஆடி ஆட்டமிழக்காமல் 157 ரன்கள் அடித்தார். 50 ஓவர்கள் முடிவில் 6 விக்கெட் இழப்பிற்கு, இந்தியா 321 ரன்கள் எடுத்தது.