'டிக்ளேர்' செய்யச் சொல்லிக் கத்திய ரசிகர்கள்- 495 ரன்களில் 'ஆல் அவுட்' ஆன இந்தியா!

முதல் நாள் முடிவில் 157 ரன்கள்

நேற்று ஆட்ட நேர முடிவில் இந்தியா 157 ரன்கள் எடுத்திருந்தது. புஜாரா 34 ரன்களுடனும் சச்சின் டெண்டுல்கர் 38 ரன்களுடனும் ஆட்டமிழக்காமல் இருந்தனர்.

74 ரன்களில் சச்சின் அவுட்

இன்று 2-ம் நாள் ஆட்டம் தொடங்கியது. சதமடிப்பார் என்று எதிர்பார்க்கப்பட்ட சச்சின் டெண்டுல்கர் 74 ரன்கள் எடுத்த நிலையில் தியோனரைன் பந்தில் சமியிடம் கேட்ச் கொடுத்து வெளியேறினார். அப்போது இந்திய அணி 221 ரன்களை எடுத்திருந்தது.

57 ரன்களில் கோஹ்லி அவுட்

பின்னர் களமிறங்கிய கோஹ்லி- புஜாரா ஜோடி ரன்களை விறுவிறுவென குவித்தது. கோஹ்லி அரைசதம் கடந்த நிலையில் 78 பந்துகளில் 57 ரன்கள் எடுத்த நிலையில் அவுட் ஆனார். இந்திய அணியின் ஸ்கோர் 4 விக்கெட் இழப்புக்கு 315ஆக இருந்தது.

சதமடித்த புஜாரா

புஜராவுடன் தமது அறிமுக டெஸ்ட் போட்டியில் இரட்டை சதத்தை நெருங்கிய அசரவைத்த ரோஹித் சர்மா இணைந்து கொண்டார். புஜாரா சதமடித்து 117 ரன்களை எட்டிய நிலையில் ஷில்லிங்போர்ட் பந்தில் அவுட் ஆனார். இதில் 12 பவுண்டரிகள் அடங்கும். மொத்தம் 167 பந்துகளை எதிர்கொண்டார் அவர். இந்திய அணியின் ஸ்கோர்ட் 5 விக்கெட் இழப்புக்கு 354 ஆக இருந்தது.

4 ரன்கள் மட்டுமே எடுத்த டோணி

கேப்டன் டோணி 4 ரன்கள் எடுத்த நிலையில் அவுட் ஆனார். அப்போது அணியின் ஸ்கோர் 365 ரன்கள்.

495 ரன்களுக்கு ஆல் அவுட்

இந்திய அணி தனது முதல் இன்னிங்ஸை 495 ரன்களுக்கு இழந்தது.