“வாத்தி கம்மிங் ஒத்து”.. 2022ல் இந்தியா காட்டப்போகும் தரமான சம்பவங்கள்.. முழு போட்டி அட்டவணைகள் இதோ!

தென்னாப்பிரிக்க சீரிஸ்

2022ல் இந்திய அணி தனித்தனி கேப்டன்களுடன் போட்டிகளில் பங்கேற்கவுள்ளது. அதன்படி இந்திய அணிக்கு ஆண்டின் தொடக்கத்தில் தென்னாப்பிரிக்காவுடன் 2 டெஸ்ட் போட்டிகள் மற்றும் 3 ஒருநாள் போட்டிகள் கொண்ட தொடர் உள்ளது. ஏற்கனவே டெஸ்ட் தொடரில் முன்னிலை பெற்றுள்ளது குறிப்பிடத்தக்கது.

இந்தியா vs தென்னாப்பிரிக்கா அட்டவணை

ஜனவரி 3 - 7 = 2வது டெஸ்ட் போட்டி

ஜனவரி 11 - 15 = 3வது டெஸ்ட் போட்டி

ஜனவரி 19 = முதல் ஒருநாள் போட்டி

ஜனவரி 21 = 2வது ஒருநாள் போட்டி

ஜனவரி 23 = 3வது ஒருநாள் போட்டி

வெஸ்ட் இண்டீஸ் டூர்

தென்னாப்பிரிக்க தொடரை முடித்துக்கொண்டு தாயகம் திரும்பவுள்ள இந்திய அணி, சொந்த மண்ணிலேயே வெஸ்ட் இண்டீஸுக்கு எதிராக 3 டி20 மற்றும் 3 ஒருநாள் போட்டிகள் கொண்ட தொடரில் பங்கேற்கிறது. இந்த தொடர் வரும் பிஃப்ரவரி மாதத்தில் நடைபெறவுள்ளது.

இந்தியா vs வெஸ்ட் இண்டீஸ் அட்டவணை

பிப்ரவரி 6 = முதல் ஒருநாள் போட்டி, அகமதாபாத்

பிப்ரவரி 9 = 2வது ஒருநாள் போட்டி, ஜெய்பூர்

பிப்ரவரி 12 = 3வது ஒருநாள் போட்டி, கொல்கத்தா

பிப்ரவரி 15 = முதல் டி20 போட்டி, கட்டாக்

பிப்ரவரி 18 = 2வது டி20 போட்டி, விசாகப்பட்டினம்

பிப்ரவரி 20 = 3வது டி20 போட்டி, திருவனந்தபுரம்

இலங்கை சீரிஸ்

வெஸ்ட் இண்டீஸ் அணி சுற்றுப்பயணத்தை முடித்துக்கொண்டு சென்றவுடனேயே இலங்கை அணி இந்தியாவுக்கு சுற்றுப்பயணம் மேற்கொள்கிறது. இங்கு இரு அணிகளுக்கு இடையேயும் 3 டி20 மற்றும் 2 டெஸ்ட் போட்டிகள் கொண்ட தொடர் நடைபெறவுள்ளது.

இந்தியா vs இலங்கை அட்டவணை

பிப் 25 - மார்ச் 1 = முதல் டெஸ்ட், பெங்களூரு

மார்ச் 5 - 9 = 2வது டெஸ்ட், மொஹாலி

மார்ச் 13 = முதல் டி20, மொஹாலி

மார்ச் 15 = 2வது டி20, தர்மஸாலா

மார்ச் 18 = 3வது டி20, லக்னோ

பழிதீர்க்குமா தென்னாப்பிரிக்கா

இதன் பிறகு ஏப்ரல் - மே மாதங்களில் 15வது ஐபிஎல் தொடர் நடைபெறும் என்பதால், அதனை முடித்துவிட்டு, இந்திய அணி ஜூன் மாதம் தென்னாப்பிரிக்காவை சொந்த மண்ணில் எதிர்கொள்கிறது. அந்த அணி இந்தியாவுக்கு சுற்றுப்பயணம் மேற்கொள்ளவுள்ளது. டி20 உலகக்கோப்பைக்கு தயாராகும் விதமாக 5 போட்டிகள் கொண்ட டி20 தொடரில் பங்கேற்கிறது.

இந்தியா vs தென்னாப்பிரிக்கா அட்டவணை

ஜூன் 9 = முதல் டி20, சென்னை

ஜூன் 12 = 2வது டி20, பெங்களூரு

ஜூன் 14 = 3வது டி20, நாக்பூர்

ஜூன் 17 = 4வது டி20, ராஜ்கோட்

ஜூன் 19 = 5வது டி20, டெல்லி

இங்கிலாந்து டூர்

இந்த தொடரை முடித்துக்கொண்டு இந்திய அணி இங்கிலாந்தின் கணக்கை தீர்க்க அங்கு சுற்றுப்பயணம் மேற்கொள்கிறது. ஏற்கனவே விடுபட்ட 5வது டெஸ்ட் போட்டி, 3 ஒருநாள் போட்டிகள் மற்றும் 3 டி20 போட்டிகள் கொண்ட தொடரில் பங்கேற்கிறது.

இந்தியா vs இங்கிலாந்து அட்டவணை

ஜூலை 1- 5 = 5வது டெஸ்ட்

ஜூலை 7 = முதல் டி20

ஜூலை 9 = 2வது டி20

ஜூலை 10 = 3வது டி20

ஜூலை 12 = முதல் ஒருநாள் போட்டி

ஜூலை 14 = 2வது ஒருநாள் போட்டி

ஜூலை 17 = 3வது ஒருநாள் போட்டி

எதிர்பார்ப்புகள்

இங்கிலாந்து தொடரை முடித்துக்கொண்டு நேரடியாக டி20 உலகக்கோப்பை தொடரில் பங்கேற்க பிசிசிஐ திட்டமிட்டுள்ளது. ஒருவேளை டி20 உலகக்கோப்பை தொடர் அக்டோபர், டிசம்பரில் நடைபெற்றால் இந்தியாவுக்கு மேலும் சில போட்டிகள் கூடலாம் என எதிர்பார்க்கப்படுகிறது.