தீபக் சாஹர் இல்லை.. நடராஜன் இடம் உறுதி.. டி20 உலககோப்பையில் 2 எஸ்ஆர்ஹச் பவுலர்கள்.. திட்டம் ரெடி!

நடராஜன்

2020ஆம் ஆண்டு ஐபிஎல் மூலம் தனது திறமையால் டேவிட் வார்னரையே மிரள வைத்தவர் தமிழக வீரர் நடராஜன். இதனால் இந்திய அணியில் அவருக்கு இடம் கிடைத்தது. கடந்த ஆண்டு டி20 உலககோப்பைக்கான பிளானில் நடராஜன் இருந்த நிலையில், கொரோனா, காயம் காரணமாக தடைப்பட்டது.

அசத்தல் பந்துவீச்சு

தற்போது காயத்திலிருந்து மீண்டு வந்துள்ள நடராஜன், தற்போது ஐபிஎல் சீசனில் பழைய ஃபார்மை வெளிக்காட்டியுள்ளார். தனது வழக்கமான யாக்கர்களால் எதிரணி பேட்ஸ்மேன்களை திணறடிக்கும் நடராஜன், சில போட்டிகளிலேயே 10 விக்கெட்டுகளை வீழ்த்தி அசத்தியுள்ளார். இதனால் பும்ரா ஒரு பக்கமும், நடராஜன் மறு பக்கமும் என இந்திய அணி பந்துவீச்சில் கெத்து காட்ட உள்ளது.

உம்ரான் மாலிக்

இதே போன்று இந்திய அணி கண்டு எடுத்துள்ள மற்றொரு தங்கம், காஷ்மீரை சேர்ந்த உம்ரான் மாலிக். அனல் பறக்க பந்துவீசுவதால், பேட்ஸ்மேன்கள் இவரை எதிர்கொள்ள திணறுகின்றனர். ஆஸ்திரேலியா போன்ற வேகப்பந்துவீச்சுக்கு சாதகமான ஆடுகளத்தில் உம்ரான் மாலிக் களமிறங்கினால் எதிரணியை கொஞ்சம் நினைத்து பாருங்கள்.

புதிய யூனிட்

இதே போன்று ராஜஸ்தான் அணியில் இடம்பெற்றுள்ள பிரசித் கிருஷ்ணாவும் அனைவரின் கவனத்தையும் ஈர்த்து வருகிறார். ஏற்கனவே முகமது ஷமி, புவனேஸ்வர் குமாரும் அசத்தி வருகின்றனர். டி20 உலககோப்பை தொடருக்கு தயாராகும் வகையில், இந்தியா உள்ள டி20 போட்டிகளில் இந்த பந்துவீச்சு அட்டாக்கை பயன்படுத்தி, அவர்களுக்கு அனுபவத்தை திரட்டி கொள்ள வாய்ப்பு வழங்கப்பட உள்ளது. இதனால் இந்திய வேகப்பந்துவீச்சுக்கு இனி நல்ல காலம் தான்.