இவங்க இல்லீன்னா எனக்கு அது கிடைச்சிருக்கவே கிடைச்சிருக்காது…!! நான் கேப்டன்னா அது சும்மா..!!

கோலி சொன்னது என்ன?

இந்நிலையில், வெற்றிக்கு பின் அவர் கூறியதாவது: இந்திய வீரர்கள் சிறப்பான ஆட்டத்தை வெளிப்படுத்தி இருக்கின்றனர். விஹாரி அருமையாக ஆடினார். தவறுகளில் இருந்து பாடம் கற்றுக்கொண்டு, அதை திருத்தி அவர் ஆடியவிதம் மிக அருமை.

டாப் கிளாஸ்

அவர் ஆடும்போது, டிரெஸ்சிங் அறையில் அமைதியாக பார்த்து கொண்டே இருந்தோம். அவரது ஆட்டம் டாப் கிளாஸ். ஆடும் லெவனில் அவர் ஏன் சேர்க்கப் பட்டார் என்பதை நிரூபித்துவிட்டார். மயங்க் அகர்வால், இஷாந்தின் அரை சதம், ரகானே பொறுப்பான ஆட்டம் ஆகியவை இந்த வெற்றிக்கு காரணம்.

முயற்சியால் வெற்றி

அதிக டெஸ்ட் வெற்றியை பெற்ற இந்திய கேப்டன் ஆனது பற்றி கேட்கிறார்கள். கேப்டன்சி என்பது பெயருக்கு முன்னால் இருக்கிற சி மட்டும் தான். இது கூட்டு முயற்சியால் கிடைத்த வெற்றி.

சவால்

வெஸ்ட் இண்டீஸ் அணியும் சிறப்பாகப் போராடியது. பந்துவீச்சில் அவர்கள் திறமையாக, சிறப்பாக செயல்பட்டார்கள். அவர்களுக்கு போதுமான ரன்கள் கிடைத்தால், டெஸ்ட்டில் கடும் சவாலாக இருப்பார்கள் என்றார்.