டி20 கிரிக்கெட் வரலாற்றில் இந்தியாவின் மிகப்பெரிய தோல்விகள்.. முதலிடம் பிடித்த அயர்லாந்து போட்டி

பெல்ஃபாஸ்ட்: அயர்லாந்துக்கு எதிரான முதல் டி20 போட்டியில் இந்திய அணி 34 ரன்கள் வித்தியாசத்தில் அதிர்ச்சி தோல்வி அடைந்தது. கிரிக்கெட் வரலாற்றில் இந்திய அணி டி20 போட்டிகளில் சந்தித்த மிக மோசமான தோல்விகளில் ஒன்றாக இது பார்க்கப்படுகிறது. சர்வதேச டி20 போட்டிகளில் இந்திய அணி சந்தித்த 3 முக்கிய அதிர்ச்சி தோல்விகளின் பட்டியல் இதோ:

அயர்லாந்துக்கு எதிரான தோல்வி (பெல்ஃபாஸ்ட், 2026):

பல்வேறு முன்னணி வீரர்களான ஜோஷ் லிட்டில், பால் ஸ்டிர்லிங், மார்க் அடேர் ஆகியோர் இல்லாத நிலையிலும் அயர்லாந்து அணி, உலக சாம்பியனான இந்தியாவை வீழ்த்தி சாதனை படைத்தது. இந்தப் போட்டியில் முதலில் பேட்டிங் செய்த அயர்லாந்து 182 ரன்கள் குவித்தது. தொடர்ந்து ஆடிய இந்தியா 148 ரன்களுக்கு சுருண்டது.

அறிமுக வீரர் ஜெய் முன்ட்ரா தனது முதல் பந்திலேயே சஞ்சு சாம்சனை வீழ்த்தினார். மேட் ஹாலர்ட் மற்றும் மேத்யூ ஹம்ப்ரிஸ் ஆகியோரின் பந்துவீச்சை எதிர்கொள்ள முடியாமல் இந்தியா 34 ரன்கள் வித்தியாசத்தில் தோற்றது. அயர்லாந்து அணி இந்தியாவுக்கு எதிராகப் பதிவு செய்த முதல் சர்வதேச வெற்றி இதுவாகும்.

ஜிம்பாப்வேயிடம் அதிர்ச்சி தோல்வி (ஹராரே, 2024):

கடந்த 2024-ல் டி20 உலகக்கோப்பையை வென்ற சில நாட்களிலேயே இந்திய அணி ஜிம்பாப்வேயிடம் தோற்று அதிர்ச்சி அளித்தது. இப்போட்டியில் முதலில் பேட்டிங் செய்த ஜிம்பாப்வே 115 ரன்கள் மட்டுமே எடுத்தது. எளிய இலக்கை நோக்கி ஆடிய இந்திய அணி, ஜிம்பாப்வேயின் துல்லியமான பந்துவீச்சை எதிர்கொள்ள முடியாமல் 102 ரன்களுக்கு ஆல்-அவுட் ஆகி 13 ரன்கள் வித்தியாசத்தில் தோற்றது. இந்தப் போட்டியில் இந்திய அணியில் பல இளம் வீரர்கள் புதிதாக இடம் பெற்று இருந்தார்கள். அனுபவமின்மை இந்த தோல்விக்கு ஒரு முக்கிய காரணமாக இருந்தது.

நியூசிலாந்திடம் மோசமான தோல்வி (வெல்லிங்டன், 2019):

கடந்த 2019-ல் நியூசிலாந்துக்கு எதிரான போட்டியில் இந்தியா 80 ரன்கள் வித்தியாசத்தில் படுதோல்வி அடைந்தது. இப்போட்டியில் முதலில் பேட்டிங் செய்த நியூசிலாந்து 219 ரன்கள் குவித்தது. கடினமான இலக்கை நோக்கி ஆடிய இந்திய அணி 139 ரன்களுக்கு சுருண்டது. ரன்கள் அடிப்படையில் டி20 கிரிக்கெட்டில் இந்திய அணி சந்தித்த மிகப்பெரிய தோல்வியாக இது இன்றும் நீடிக்கிறது.

"வைபவ் சூர்யவன்ஷியிடம் கவனமாக இருங்க சஞ்சு.. இல்லைனா".. சீனியர் வீரருக்கு மஞ்ச்ரேக்கர் வார்னிங்

இந்த மூன்று தோல்விகளிலும் அயர்லாந்துக்கு எதிரான தோல்வியே மிகவும் அதிர்ச்சிகரமானதாகக் கருதப்படுகிறது. ஏனெனில், முக்கிய அயர்லாந்து வீரர்கள் காயத்தால் விலகியிருந்த போதிலும், முழு பலத்துடன் களம் இறங்கிய இந்திய அணியை அயர்லாந்து வீழ்த்தி வரலாற்று சாதனை படைத்துள்ளது.

"வைபவ் சூர்யவன்ஷி வாட்டர்பாய் வேலை பார்க்கட்டும், தப்பில்லை".. சாம்சனுக்கு ஆதரவாக அஸ்வின் பேச்சு