8-4-7-5 ஆசிய சாதனை நிகழ்த்திய அற்புத வீரர் பும்ரா..! எப்படி நடந்தது..? ஓர் ஆச்சர்ய சம்பவம்

சூப்பர் சதம்

மறுமுனையில் நங்கூரமாய் நின்று சூடிய ரகானே டெஸ்ட் அரங்கில் தனது 10வது சதத்தை பதிவு செய்தார். சதம் அடிப்பார் என எதிர்பார்க்கப்பட்ட விஹாரி 93 ரன்களில் ஆட்டமிழந்து ஏமாற்றினார். இந்தியா 7 விக்கெட்டுகள் இழப்பிற்கு 343 ரன்கள் சேர்த்திருந்த போது டிக்ளேர் செய்தது.

இமாலய இலக்கு

பின்னர் 419 ரன்கள் என்ற இமாலய இலக்கை துரத்தியது வெஸ்ட் இண்டீஸ். தொடக்க வரிசை வீரர்களை சாய்த்தனர் பும்ராவும், இஷாந்த் சர்மாவும். அற்புதமான பவுலிங்கில் 100 ரன்களுக்கு வெஸ்ட் இண்டீஸ் சுருண்டது. இதன் மூலம் இந்தியா 318 ரன்கள் வித்தியாசத்தில் அபார வெற்றிபெற்று 1க்கு 0 என தொடரில் முன்னிலை பெற்றது.

5 விக். அசத்தல்

இந்தியா தரப்பில் பும்ரா 5 விக்கெட்டுகளையும் இஷாந்த் சர்மா 3 விக்கெட்டுகளையும் வீழ்த்தினர். வெஸ்ட் இண்டீஸ் அணியில் ராஸ்டன் சேஸ், ரோச், கம்மின்ஸ் ஆகிய 3 பேர் மட்டுமே இரட்டை இலக்கு ரன்களை எட்டினர். மற்ற அனைவரும் சிங்கிள் டிஜிட்தான்.

8 பேர் சிங்கிள் டிஜிட்

கிட்டத்தட்ட 8 வீரர்கள் ஒற்றை இலக்க ரன்களை தாண்டவில்லை. இந்திய தரப்பில், 7 ரன்களை மட்டுமே விட்டுக் கொடுத்து பும்ரா 5 விக்கெட்டுகளை வீழ்த்தி அசத்தி அணியின் வெற்றிக்கு முக்கிய காரணமாக இருந்திருக்கிறார்.

ஆசிய சாதனை

இதன் மூலம் ஒரு புதிய சாதனைக்கு சொந்தக்காரர் ஆகி இருக்கிறார் பும்ரா. அதாவது அவர் பங்கேற்ற வெளிநாட்டு டெஸ்ட் தொடர்கள் அனைத்திலும் 5 விக்கெட் சாய்த்திருக்கிறார். தென் ஆப்ரிக்கா, இங்கிலாந்து, ஆஸ்திரேலியா மற்றும் வெஸ்ட் இண்டீஸ் நாடுகளில் நடைபெற்ற டெஸ்ட் தொடர்களில் 5 விக். வீழ்த்திய முதல் ஆசிய வீரர் என்ற சாதனையை படைத்திருக்கிறார்.