அடப் போங்கப்பா.. டோணி டீமா இது.... கொஞ்சம் கூட போணி ஆகலையே!!

2வது இடத்தில் மும்பை

இந்த வெற்றியைத் தொடர்ந்து தற்போது மும்பை இந்தியன்ஸ் அணி புள்ளிகள் பட்டியலில் 2வது இடத்திற்கு முன்னேறியுள்ளது. இந்த அணி 9 போட்டிகளில் ஆடி 5ல் வென்று, 4ல் தோற்றுள்ளது.

6வது தோல்வியில் புனே

மறுபக்கம் புனே அணிக்கு இது 6வது தோல்வியாகும். இந்த அணி இதுவரை 2 போட்டிகளில் மட்டுமே வெற்றி பெற்றுள்ளது குறிப்பிடத்தக்கது.

எதிர்பார்ப்பு பொய்க்கிறது

ரசிகர்கள் டோணியின் புனே அணி மீது அதிக எதிர்பார்ப்புகளை வைத்திருந்தனர். ஆனால் புனே அணி தொடர்ந்து அதை ஏமாற்றி வருகிறது. ஆரம்பத்தில் அது அசத்தல் வெற்றியுடன் தொடரைத் தொடங்கியதால் பெரும் நம்பிக்கை நிலவியது.

தொடர்ந்து வெல்லும் குஜராத்

ஆனால் அடுத்தடுத்து பல முக்கிய போட்டிகளில் அது தோல்வியுற்று வருவதால் ரசிகர்கள் பெரும் ஏமாற்றமடைந்துள்ளனர். மறுபக்கம் சென்னை சூப்பர் கிங்ஸ் வீரர்கள் பலரைக் கொண்ட குஜராத் லயன்ஸ் அணி அட்டகாசமாக ஆடி வெற்றி நடை போட்டு வருவது குறிப்பிடத்தக்கது.

அசத்தல் ரெய்னா

ரெய்னா தலைமையிலான குஜராத் அணியில் பிராவோ, மெக்கல்லம், ஸ்மித் போன்ற சிறப்பான வீரர்கள் உள்ளனர். ஆனால் டோணி அணியில் சிறப்பான பவுலர்களும், ஆல்ரவுண்டர்களும் இல்லை என்பது பெரும் பின்னடைவாகும்.

மொத்தத்தில் டோணி முதல் முறையாக தனது ரசிகர்களை ரொம்பவே ஏமாற்றி வருகிறார்!