சூப்பர் அம்பதி ராயுடு
சென்னை அணி இதில் மிகவும் மோசமாக பேட்டிங் செய்ய தொடங்கியது. ஆனால் சென்னை அணி ரெய்னா, மற்றும் அம்பதி ராயுடு ஜோடியால் மீண்டு வந்தது. அம்பதி ராயுடு மிகவும் அதிரடியாக ஆடி, 37 பந்தில் 79 ரன்கள் எடுத்தார். இதில் 4 சிக்ஸ், 9 பவுண்டரி அடக்கம். தேவையில்லாமல் ஓடி ரன் அவுட் ஆனார். இதனால் சதம் அடிக்கும் வாய்ப்பை இழந்தார்.
ஒவ்வொரு போட்டி
ராயுடு இந்த போட்டியின் தொடக்கம் முதலே அதிரடியாக ஆடினார். ஆந்திராவைச் சேர்ந்த அவருக்கு ஹைதராபாத் நல்ல பரிச்சயம் என்பதால், அவர் மிகவும் எளிதாக ஆடினார். அவர் அந்த மைதானத்தில்தான் பல முறை கிரிக்கெட் பயிற்சி எடுத்தவர். இதனால் ஹைதராபாத் அணியின் கஷ்டமான பவுலிங்கை எளிதாக தெறிக்க விட்டார்.
|
சொந்த ஊர் பையன்
சென்னை பையன் அஸ்வின், சென்னை சூப்பர் கிங்ஸ் அணியை பஞ்சாப் கேப்டனாக தோற்கடித்த போது, சென்னை ரசிகர்கள் அவரிடம் செல்லமாக கோபம் கொண்டனர். அதை இப்போது ஹைதராபாத் ரசிகர்கள், அம்பதி ராயுடு மீதும் கொண்டு இருக்கிறார்கள். சென்னை அணிக்கு சொந்த மைதானத்தில் சிறப்பாக விளையாடி இருக்கிறார் இவர் என்றும் பாராட்டியும் இருக்கிறார்கள்.
|
புதிய பெயர்
சென்னை அணியில் ஒவ்வொருவருக்கும் ஒரு சிறப்பு பெயர் இருக்கிறது. டோணிக்கு தல, ரெய்னாவிற்கு சின்ன தல என்று அழைத்து வருகிறார்கள். இப்போது அம்பதி ராயுடுவிற்கும் பெயர் வைத்து இருக்கிறார்கள். ஒரே போட்டியில் அவர் அணியின் சின்ன தளபதி ஆகியுள்ளார். பெரிய தளபதி வேற யார்.. நம்ம பிராவோதான்!