செம பினிஷிங் தல! தினேஷ் கார்த்திக் ரெக்கார்டை காலி செய்த தோனி.. ரசிகர்கள் கொண்டாட்டம்!

தினேஷ் கார்த்திக்

ஐபிஎல் தொடரில் அதிக விக்கெட் வீழ்ச்சிக்கு காரணமாக இருந்த விக்கெட் கீப்பர் என்ற சாதனை இந்த இறுதிப் போட்டிக்கு முன்பு வரை தினேஷ் கார்த்திக் வசம் இருந்தது. தோனி அதை தட்டிச் சென்றுள்ளார்.

தோனி பிடித்த கேட்ச்கள்

இறுதிப் போட்டியில் ரோஹித் சர்மா, டி காக் ஆகிய இரண்டு மும்பை வீரர்களின் கேட்ச்சை பிடித்த தோனி, 94 கேட்ச், 34 ஸ்டம்பிங்குகள் செய்து, ஐபிஎல் தொடரில் ஒட்டுமொத்தமாக 132 விக்கெட் வீழ்ச்சிகளுக்கு காரணமாக இருந்துள்ளார்.

தோனி முதல் இடம்

தினேஷ் கார்த்திக் 131 விக்கெட் வீழ்ச்சிகளுக்கு காரணமாக இருந்துள்ளார். ஐபிஎல் தொடரில் அதிக விக்கெட் வீழ்ச்சிகள் செய்த விக்கெட் கீப்பர்கள் பட்டியலில் தோனி (132) முதல் இடத்திலும், தினேஷ் கார்த்திக் (131) இரண்டாம் இடத்திலும் உள்ளனர்.

கடைசி ஐபிஎல் தொடர்

தோனிக்கு இந்த ஆண்டு ஐபிஎல் தொடர்தான் கடைசி என சிலர் கூறி வருகின்றனர். இந்த நிலையில், இந்த சாதனை முக்கியமான ஒன்றாக கருதப்படுகிறது. அடுத்த ஆண்டு தோனி, ஆடாமல், தினேஷ் கார்த்திக் மட்டும் ஐபிஎல் தொடரில் ஆடும் பட்சத்தில் இந்த சாதனையை அவர் முறியடிப்பார்.

செம பினிஷிங்

ஆனால், இறுதிப் போட்டியில் தோனி முதல் இடத்தை பிடித்துள்ளதால் சுமார் ஓராண்டு காலம் இந்த சாதனை தோனி வசமே இருக்கும். இதைத் தான் "செம பினிஷிங் தல" என தோனி ரசிகர்கள் கொண்டாடி வருகின்றனர்.