வேற லெவல்
இந்தப் போட்டியில் வென்றால் பிளே-ஆஃப் செல்லலாம் என்ற நிலையில், அந்த அணி எவ்வளவு மோசமாக செயல்பட முடியுமோ, அத்தனை மோசமாக செயல்பட்டது. அதிலும், ராபின் உத்தப்பாவின் பேட்டிங் வேற லெவலில் இருந்தது.
உத்தப்பா பேட்டிங்
நேற்றைய போட்டியில் கொல்கத்தா அணி முதலில் பேட்டிங் செய்தது. மூன்றாவது வரிசையில், ஏழாவது ஓவரில் பேட்டிங் செய்ய வந்தார் உத்தப்பா. அவர் கடைசி ஓவரின் ஐந்தாவது பந்து வரை களத்தில் நின்றார். ஆனால், அணிக்கு உதவியாக இல்லை.
கட்டுப்பாடற்ற ஆட்டம்
47 பந்துகளை சந்தித்தார் உத்தப்பா, அதில் 24 டாட் பால்கள். இன்னும் மோசமாக மொத்தம் 26 பந்துகளில் கட்டுப்பாடின்றி இருந்தார். அதாவது, பந்தை கணிக்கத் தவறி, பேட்டை காற்றில் விட்டு துழாவினார். பந்து, பேட்டில் சிக்கவில்லை. அந்தளவு மோசமான ஒரு பேட்டிங்காக அமைந்தது அவரது ஆட்டம்.
துன்ப அதிர்ச்சி
அவர் மோசமாக பந்துகளை வீணடித்ததாலோ என்னவோ, மற்ற பேட்ஸ்மேன்கள் வேகமாக பவுண்டரி அடிக்க முயற்சி செய்து விக்கெட்டை இழந்து வந்தனர். இதற்கு இடையே உத்தப்பா ஒரு மெய்டன் ஓவர் வேறு ஆடி, கொல்கத்தா ரசிகர்களுக்கு துன்ப அதிர்ச்சி கொடுத்தார்.
டி20யில் டெஸ்ட் போட்டி
டெஸ்ட் போட்டி போல மோசமாக ஆடிய உத்தப்பா 47 பந்துகளில் 40 ரன்கள் மட்டுமே சேர்த்தார். இவர் ஆடிய 24 டாட் பால்களுடன், கொல்கத்தா அணி மொத்தமாக 60 டாட் பால்கள் ஆடி டி20 போட்டிகளுக்கே ஷாக் கொடுத்தது. 20 ஓவர் போட்டியில் 10 ஓவர்களுக்கு இணையாக டாட் பால்கள்!