மற்ற வீரர்களை பாருங்கள்.. ஏதோ தவறு நடக்கிறது.. தோனி பேட்டிங்கை விளாசி தள்ளிய லாரா.. சந்தேகம்!

லாரா பேச்சு

இது தொடர்பாக லாரா பேசியதாவது, தோனியின் பினிஷிங் ஆட்டங்கள் இப்போதெல்லாம் கேள்வி எழுப்புகிறது. அவர் தனக்கு விருப்பப்பட்ட பொஷிஷனில்தான் இறங்குகிறார். தனக்கு வசதியாக எந்த இடம் இருக்குமோ அங்குதான் பேட்டிங் செய்கிறார் . ஆனாலும் அவரால் சரியாக பேட்டிங் செய்ய முடியவில்லை.

பேட்டிங்

அவர் மற்ற வீரர்களை பார்த்து தன்னை மாற்றிக்கொள்ள வேண்டும் என்று நினைக்கிறேன். தோனி சிறந்த பினிஷர். அதில் எந்த சந்தேகமும் இல்லை. ஆனால் தோனியிடம் சில விஷயங்கள் சரியாக இல்லை. எதோ ஒரு தவறு நடக்கிறது. அதை தோனி சரி செய்ய வேண்டும்.

பிரஷர்

பிரஷர்தான் இதற்கு காரணம் என்று சொல்ல முடியாது. ஜடேஜா இறங்கிய போதும் அதே பிரஷர் இருந்தது. ஆனால் அவர் அந்த பிரஷரை சமாளித்து ஆடுகிறார். நேற்றைய போட்டியிலும், கடந்த போட்டியில் அவரின் ஆட்டத்தை பார்த்தாலே தெரியும்.

மிஸ்ஸாகிறது

ஆனால் தோனியிடம் அதுதான் மிஸ்ஸாகிறது. தோனி தன்னுடைய பேட்டிங்கில் சில விஷயங்களை மாற்றிக்கொள்ள வேண்டும். 10 ஓவர் முடிவில் சிஎஸ்கே கிட்டத்தட்ட 100 ரன்கள் இருந்தது. ஆனால் அதன்பின் 67 ரன்கள் அடிக்க முடியாமல் சிஎஸ்கே தோல்வி அடைந்தது என்பதை கொஞ்சம் கூட நம்ப முடியவில்லை.

பிராவோ ஏன் இப்படி

சிஎஸ்கே அணி பிராவோவை பயன்படுத்தாமல் இருப்பதும் சந்தேகம் தருகிறது. அவரின் பேட்டிங் உதவி இருக்கும். ஆனால் அவரை கடந்த மூன்று போட்டிகளில் ஒரு முறை கூட பேட்டிங் இறக்கவில்லை. தோனியிடம் நிறைய விஷயங்கள் மிஸ்ஸாகிறது. அதை உடனே அவர் சரி செய்ய வேண்டும், என்று பிரைன் லாரா குறிப்பிட்டுள்ளார்.