கண்ணிமைக்கும் நேரத்தில் தோனி செய்த "மேஜிக்".. அரண்டு போன பிரித்வி ஷா.. இப்படியா பண்ணுவீங்க!?

நிதானம்

இதில் டெல்லி அணியில் இளம் வீரர் பிரித்வி ஷா மிகவும் நிதானமாக ஆடினார். பஞ்சாப்பிற்கு எதிரான கடந்த போட்டியில் அவசரப்பட்டு ஆடி அவுட்டானது போல ஆக கூடாது என்பதால் மிகவும் நிதானமாக ஆடினார். போக போக கொஞ்சம் கொஞ்சமாக பேட்டிங்கில் வேகம் காட்டினார். அதிலும் பியூஷ் சாவ்லா ஓவரை பிரித்வி ஷா பிரித்தெடுத்தார்.

அவுட்

9 பவுண்டரி மற்றும் 1 சிக்ஸ் என்று அடுத்தடுத்து அதிரடி காட்டி அரை சதம் கடந்தார். இதனால் சென்னை அணியை ராஜஸ்தான் வீரர் சஞ்சு சாம்சன் அடித்து துவைத்தது போல பிரித்வி ஷாவும் செய்ய போகிறார் என்று கருதப்பட்டது. ஆனால் யாருடைய ஓவரில் பிரித்வி ஷா அடித்து வெளுத்தாரோ அதே ஓவரில் பிரித்வி ஷா அவுட்டானார்.

தோனி வேகம்

ஆம் பியூஷ் சாவ்லா ஓவரிலேயே இவர் அவுட்டானார். இவர் 64 ரன்கள் எடுத்து இருந்த போது அவுட்டானார். சரியாக 13வது ஓவரின் 2வது பந்தில் சாவ்லா பந்தை இறங்கி அடிக்க பிரித்வி ஷா முயன்றார். ஆனால் பந்து அவரின் பேட்டில் இன்சைட் எட்ஜ் ஆகி மிஸ்ஸானது. இதை தோனி பிடித்து கண் இமைக்கும் நேரத்தில், ஸ்டம்பிட் செய்தார்.

செம ஸ்பீட்

பழைய தோனி எவ்வளவு வேகமாக செயல்படுவாரோ அதே வேகத்தில் இன்றும் தோனி செயல்பட்டார். கண் இமைக்கும் நேரத்தில், பிரித்வி ஷா சுதாரிக்கும் முன் பந்தை எடுத்து தோனி விக்கெட் செய்தார். மேஜிக் போல தோனி வேகமாக இந்த விக்கெட்டை எடுத்தார். இதனால் தோனி மீண்டும் வந்துவிட்டார்.. அவரின் வேகம் கொஞ்சம் கூட குறையவில்லை என்று ரசிகர்கள் சந்தோசப்பட தொடங்கி உள்ளனர்.