அந்த வார்த்தையை சொல்லி.. மும்பையை சீண்டி விட்ட “ஹல்க்”.. பின்னணியில் பாண்டிங்? பைனல் பரபரப்பு!

டெல்லி வெற்றி

டெல்லி கேபிடல்ஸ் அணி பிளே-ஆஃப் தொடரின் இரண்டாம் தகுதிப் போட்டியில் சன்ரைசர்ஸ் ஹைதராபாத் அணியை 17 ரன்கள் வித்தியாசத்தில் வீழ்த்தி இருந்தது. அந்தப் போட்டியில் மார்கஸ் ஸ்டோய்னிஸ் துவக்க வீரராக ஆடி ஆச்சரியம் அளித்து இருந்தார்.

ஹல்க் பொம்மை

அந்தப் போட்டியில் 3 விக்கெட்களும் வீழ்த்திய அவர் ஆட்டநாயகன் விருதை வென்றார். அப்போது பேசுகையில் கையில் ஹல்க் பொம்மையுடன் வந்தார். அது குறித்து கேட்ட போது தன்னை ஹல்க் போன்றே எண்ணிக் கொள்வதாகவும், விக்கெட் எடுத்த உடனும் கூட அதே போல தான் கொண்டாடுவதாகவும் கூறினார்.

என்ன சொன்னார்?

அடுத்து மும்பை இந்தியன்ஸ் உடனான இறுதிப் போட்டி பற்றி பேசிய அவர் மும்பை அணி நல்ல அணி. தொடர்ந்து சிறப்பாக ஆடி உள்ளது. ஆனால், அவர்கள் ஒரு போட்டியில் மோசமாக தோல்வி அடைய வேண்டியது பாக்கி உள்ளது என்றார். அதாவது ஒரு தொடரில் எந்த ஒரு அணியும் மோசமான தோல்வி ஒன்றை அடையும். மும்பை அணி இதுவரை அப்படி தோற்கவில்லை என அவர் கூறினார்.

மும்பை அணி சீறும்

எனவே, இறுதிப் போட்டியில் மும்பை அணி தோல்வி அடையும் என மறைமுகமாகக் கூறி சீண்டினார் மார்கஸ். இந்த சீண்டலுக்கு இறுதிப் போட்டியில் மும்பை இந்தியன்ஸ் அணி பதில் அளிக்க முயற்சி செய்யக் கூடும். மார்கஸ் ஸ்டோய்னிஸ்-க்கு எதிராக சீறும்.

பாண்டிங் திட்டம்

இது போல போட்டிக்கு முன்பே எதிரணியை சீண்டும் டெக்னிக் எல்லாம் ஆஸ்திரேலிய வீரர்கள் தான் அதிகம் செய்வார்கள். ரிக்கி பாண்டிங் ஆஸ்திரேலிய அணி கேப்டனாக இருந்த போது இது அடிக்கடி நடந்தது. தற்போது அவர் டெல்லி அணியின் பயிற்சியாளராக அதே முறையை கையாண்டுள்ளார்.