வீரர்கள்
இந்த நிலையில் 2021 ஐபிஎல் தொடரில் சிஎஸ்கே அணியில் ஹைதராபாத் அணி வீரர் கேன் வில்லியம்சன் இணைய வாய்ப்புள்ளதாக தகவல்கள் வருகிறது. இது தொடர்பான விவரங்கள் முன்பே வெளியானது குறிப்பிடத்தக்கது. முக்கியமான மூன்றும் விஷயங்களால் கேன் வில்லியம்சன் சிஎஸ்கே அணிக்கு மாறலாம் என்று கூறப்பட்டது.
மூன்று விஷயங்கள்
அதன்படி சிஎஸ்கே அணியின் பயிற்சியாளர் ஸ்டீபன் பிளமிங் தனது நியூசிலாந்து அணியை சேர்ந்த கேன் வில்லியம்சனிடம் இது குறித்து பேசினார் என்று கூறப்படுகிறது. சிஎஸ்கே அணிக்கு மாற விருப்பமா என்று நேரடியாகே கேன் வில்லியம்சனிடம் பிளமிங் கேட்டு இருக்கிறார். கடந்த ஐபிஎல் சீசனிலேயே இது தொடர்பாக இவர்கள் ஆலோசனை செய்துள்ளனர்.
என்ன சொன்னார்
இன்னொரு பக்கம் ஹைதராபாத் அணியில் கேன் வில்லியம்சனுக்கு கேப்டன் பொறுப்பு இல்லை. சில போட்டிகளில் இவருக்கு அணியிலேயே வாய்ப்பு கொடுக்கப்படவில்லை. இதனால் ஹைதராபாத் அணி தன்னை மதிக்காத காரணத்தால் கேன் வில்லியம்சன் வேறு அணிக்கு மாற வாய்ப்புள்ளது என்று கூறப்பட்டது.
பேட்டி
இந்த நிலையில்தான் தற்போது கேன் வில்லியம்சன் அதிரடி பேட்டி ஒன்றை அளித்துள்ளார். அதில், எனக்கு தோனியை மிகவும் பிடிக்கும். அவரின் கேப்டன்சி நுட்பங்கள் சிறப்பாக உள்ளது. அவருக்கு கீழ் ஆட வேண்டும் என்று ஆசை எனக்கு இருக்கிறது. அவரின் கேப்டன்சியை அருகில் இருந்து பார்க்க விருப்பம், என்று கேன் வில்லியம்சன் கூறியுள்ளார்.
ஆடிப்போனது
கேன் வில்லியம்சனின் இந்த பேட்டியை பார்த்து ஹைதராபாத் அணி ஆடிப்போய் உள்ளது. சிஎஸ்கே அணிக்கு தாவும் முடிவில் கேன் வில்லியம்சன் இருக்கிறாரோ என்று கேள்வி எழுந்துள்ளது. தோனி ஓய்விற்கு பின் சிஎஸ்கே அணியின் கேப்டனாக கேன் வில்லியம்சனுக்கு அதிக வாய்ப்பு உள்ளதால் சிஎஸ்கே அணிக்கு மாற கேன் வில்லியம்சன் விரும்புகிறார் என்கிறார்கள்.
விருப்பம் இல்லை
ஆனால் கேன் வில்லியம்சனை வேறு அணிக்கு அனுப்பும் விருப்பம் ஹைதராபாத் அணிக்கு இல்லை. கேன் வில்லியம்சன் ஹைதராபாத் அணியில்தான் தொடர்வார் என்று வார்னர் ஏற்கனவே கூறிவிட்டார். ஆனால் சிஎஸ்கே அணி கூடுதல் பணம் கொடுத்து அவரை ஏலம் எடுக்க வாய்ப்புகள் உள்ளது.