வடப்பாவ் போச்சே.. ரோகித்தை சீண்டி பார்த்த சேவாக்.. ட்விட்டரில் துரத்தி அடித்த மும்பை ரசிகர்கள்!!

மும்பை அணி தோல்வி

அந்த அணிக்கு கடைசி 37 பந்துகளில் 61 ரன்கள் தேவைப்பட்டது. முன்னணி வீரர்கள் அனைவரும் அவுட் என்ற நிலை. அப்போது வந்த பேட் கம்மின்ஸ் அடுத்தடுத்து சிக்ஸர்களை பறக்கவிட்டு, மும்பைக்கு அதிர்ச்சி தந்தார். டேனியல் சாம்ஸ் வீசிய 16 ஓவரில் மட்டும் 6,4,6,6,N2, 4,6 என மொத்தமாக 35 ரன்களை பறக்கவிட்டார். இதனால் கொல்கத்தா அணி 16 ஓவர்களில் எல்லாம் 5 விக்கெட் இழப்புக்கு 162 ரன்களை சேர்த்து வெற்றி அபார வெற்றி பெற்றது.

கோபமடைந்த ரோகித்

மிகவும் எளிதாக வெற்றி பெற வேண்டிய மும்பை இந்தியன்ஸ் அணி மோசமாக தோல்வியை சந்தித்தது. ஐபிஎல் வரலாற்றில் 5வது முறையாக, தொடரின் முதல் 3 போட்டியில் தோல்வியடைந்தது. இதன் காரணமாக கேப்டன் ரோகித் சர்மாவே கோபத்துடன் காணப்பட்டார். மேலும் ரசிகர்களும் கிண்டலடித்து வந்தனர்.

சேவாக்கின் குசும்பு

இந்நிலையில் விரேந்திர சேவாக் ஒருபடி மேல் சென்றுவிட்டார். இதுகுறித்து ட்வீட் போட்டிருந்த அவர், " சிறப்பாக விளையாடிய பேட் கம்மின்ஸ், மும்பை இந்தியன்ஸ் அணியிடம் இருந்து வடபாவை பறித்துவிட்டதாக கிண்டலடித்திருந்தார். குறிப்பாக ரோகித் சர்மாவை தாக்கும் விதமாக அது அமைந்திருந்தது.

சேவாக் அந்தர்பல்டி

இதற்கு எதிர்ப்பு தெரிவித்து, சேவாக்கை மும்பை ரசிகர்கள் மிக மோசமாக விமர்சித்தனர். இதனையடுத்து சிறிது நேரத்திலேயே தனது ட்வீட்டில், வடபாவ் என மும்பை நகரத்தை தான் குறிப்பிட்டேன். உங்களை விட நான் ரோகித் சர்மாவின் பேட்டிங்கிற்கு பெரிய ரசிகன் என விளக்கமளித்திருந்தார். இது தற்போது இணையத்தில் பேசுப்பொருளாகியுள்ளது.