IPL 2022: சிஎஸ்கேவுக்கே சவால் விடும் லக்னோ அணி பெயர்.. அதிகாரப்பூர்வ அப்டேட்.. ஒரே மாதிரி இருக்கே?

பெயர் அப்டேட்

அந்த அணியின் பெயர் என்னவாக இருக்கும் என அனைவரும் ஆவலுடன் எதிர்பார்த்திருந்தனர். இந்நிலையில் அவர்களுக்கு சர்ப்ரைஸ் கொடுக்கும் வகையில் என்ன பெயர் என்ற அப்டேட்டை அணி நிர்வாகம் தனது ட்விட்டர் பக்கத்தில் வெளியிட்டுள்ளது. அதனை பார்த்த ரசிகர்கள் "லக்னோ ரேஞ்சர்ஸ்" என பெயர் வைக்கப்படவுள்ளதாக ட்ரெண்ட் செய்து வருகின்றனர்.

மற்றொரு அணி பெயர்

அந்த பதிவில் Lucknow என்ற வார்த்தையை மட்டும் காண்பித்துவிட்டு, அதற்கு அடுத்து என்ன வார்த்தை என்பதை மறைத்துள்ளனர். இதனால் "லக்னோ பேந்தர்ஸ்" எனவும் இருக்கலாம் எனக்கூறப்படுகிறது. விரைவில் இதுகுறித்த அதிகாரப்பூர்வ அறிவிப்பை அந்த அணி வெளியிடலாம்.

அணி பின்னணி

லக்னோவை மையமாக கொண்ட அணியை ஆர்பிஎஸ்ஜி குழுமத்தை சேர்ந்த சஞ்சீவ் கோயங்கா ஏலம் எடுத்தார். ரூ.2000 கோடி ஆரம்பத் தொகையாக நிர்ணயிக்கப்பட்டு, சஞ்சீவ் ரூ.7,090 கோடிக்கு ஒப்பந்தம் செய்தார். அடுத்த 10 ஆண்டிற்கு இந்த ஒப்பந்தம் செல்லுபடியாகும். இதே குழுமம் தான் இதற்கு முன்னர் புனே வாரியர்ஸ் அணியை ஒப்பந்தம் செய்திருந்தது குறிப்பிடத்தக்கது.

அணி தேர்வு

லக்னோ அணி தனது கேப்டனாக கே.எல்.ராகுலை ஒப்பந்தம் செய்துள்ளது. இதே போல இஷான் கிஷான் மற்றும் ககிஸ்கோ ரபாடாவை அந்த அணி ஒப்பந்தம் செய்துள்ளதாக தெரிகிறது. தலைமை பயிற்சியாளராக ஆண்டி ஃபளவர், துணை பயிற்சியாளராக விஜய் தஹியா, மற்றும் ஆலோசகராக கவுதம் கம்பீரை தேர்வு செய்துள்ளது குறிப்பிடத்தக்கது.