ஒரே ஆட்டத்தில் தோனி படைத்த 3 சாதனைகள்.. ஐபிஎல் போட்டியில் ரியல் பாட்ஷா.. பக்கத்துல கூட யாரும் இல்ல

அகமதாபாத் : ஐபிஎல் தொடரில் மகேந்திர சிங் தோனி தனது 16 வது ஆண்டில் விளையாடி வருகிறார் .தோனியை சில ரசிகர்கள் மெதுவாக விளையாடி வருகிறார் என விமர்சிப்பது உண்டு. ஆனால் அவர்களுக்கு தோனி எத்தகைய ரெகார்டுகளை ஐபி எல் கிரிக்கெட்டில் வைத்திருகிறார் என்று தெரிந்து இருக்க வாய்ப்பு இல்லை.

நேற்று கூட சிஎஸ்கே அணி தடுமாறிய போது கடைசி கட்டத்தில் 7 பந்துகளை எதிர் கொண்ட தோனி 14 ரன்கள் அடித்தார். இதில் ஒரு பவுண்டரியும், ஒரு சிக்ஸரும் அடங்கும். இதன் மூலம் சென்னை சூப்பர் கிங்ஸ் அணி 20 ஓவர் முடிவில் 178 ரன்கள் என்ற கௌரவமான இலக்கு எட்டியது.

இந்த நிலையில் நேற்று ஆட்டத்தில் மட்டும் தோனி மூன்று மைல்கல்லை எட்டிருக்கிறார். அதாவது சிஎஸ்கே அணிக்காக அதிக சிக்ஸர்கள் அடித்த வீரர் என்று பெருமையை பெற்றது மட்டுமல்லாமல் 200 சிக்சர்களை சிஎஸ்கே அணிக்காக தோனி அடித்து இந்த மைல் கல்லை எட்டிய முதல் வீரர் என்ற பெருமையை பெற்றுள்ளார்.

இதேபோன்று ஐபிஎல் தொடரில் 20 வது ஓவரில் மட்டும் அதிக சிக்ஸர்கள் விளாசிய வீரர்கள் என்ற பெருமையை தோனி பெற்றிருக்கிறார். 20 வது ஓவர்களில் மட்டும் தோனி இதுவரை 53 சிக்சர்களை அடித்திருக்கிறார். இவருக்கு அடுத்த படியாக பொலார்ட் 33 சிக்ஸர்கள் அடித்திருக்கிறார். இதேபோன்று ஐபிஎல் போட்டிகளில் கடைசி ஓவரில் 10 ரன்களுக்கு மேல் அடித்த வீரர்கள் பட்டியலில் தோனி முதலிடத்தில் இருக்கிறார்.

தோனி 30 முறை கடைசி ஓவர்களில் 10 ரன்களுக்கு மேல் அளித்திருக்கிறார். இவருக்கு அடுத்தபட்சமாக பொல்லார்ட் 18 முறையும், பாண்டியா 13 முறையும், ரோகித், ஜடேஜா,மில்லர் ,தினேஷ் கார்த்திக் ஆகியோர் தலா ஒன்பது முறையும் அடித்திருக்கிறார்கள்.
இதேபோன்று ருத்ராஜ் கெய்க்வாட்டும் இரண்டு மைல்கல்லை எட்டி இருக்கிறார். சிஎஸ்கே அணிக்காக அதிக முறை 70 ரன்கள் அடித்த வீரர்கள் பட்டியலில் ருத்ராஜ் இரண்டாவது இடத்தை பிடித்துள்ளார்.

முதல் இடத்தில் ரெய்னா 10 முறைக்கு மேல் 70 அடித்திருக்கிறார் ருத்ராஜ் மூன்று சீசர்களின் விளையாடி எட்டு முறை அடித்திருக்கிறார். ஐபிஎல் சீசனில் தொடக்க ஆட்டத்தில் அதிக ரன்கள் அடித்த வீரர்கள் பட்டியலில் ருத்ராஜ் மூன்றாம் இடத்தில் உள்ளார். மெக்குல்லம்158 ரன்கள் உடன் முதல் இடத்திலும் ரோகித் சர்மா 98 ரன்களுடன் 2வது இடத்திலும் உள்ளனர்.