IPL 2026: ஹர்திக் பாண்டியா உங்களை கொஞ்சம் மாத்திக்கோங்க.. முன்னாள் வீரர் கருத்து

மும்பை இந்தியன்ஸ் கேப்டன் ஹர்திக் பாண்டியா தனது பேட்டிங் பாணியை மறுசீரமைக்க வேண்டும் என்று முன்னாள் இந்திய விக்கெட் கீப்பர் சபா கரீம் வலியுறுத்தியுள்ளார். பல சமகால வீரர்கள் தங்கள் ஆட்டத்தை அடுத்த நிலைக்கு உயர்த்தியுள்ள நிலையில், பாண்டியா அதில் பின்தங்கியிருப்பதாக கரீம் சுட்டிக்காட்டியுள்ளார்.

ஐபிஎல் 2026-ல் MI-ன் மோசமான ஆட்டம் தொடர்கிறது. ஏப்ரல் 29 அன்று, மும்பை வான்கடேவில் நடைபெற்ற 41வது போட்டியில் சன்ரைசர்ஸ் ஹைதராபாத்திடம் (SRH) ஆறு விக்கெட்டுகளில் MI தோல்வியடைந்தது. ரியாண் ரிக்கல்டன் 55 பந்துகளில் ஆட்டமிழக்காமல் 123 ரன்கள் எடுக்க, MI 243-5 எடுத்தது. SRH 18.4 ஓவர்களில் எளிதாக இலக்கை சேஸ் செய்தது.

இப்போட்டியில் பாண்டியா 15 பந்துகளில் வேகமான 31 ரன்கள் அடித்தாலும், ஐபிஎல் 2026 தொடரில் அவரது ஒட்டுமொத்த பேட்டிங் செயல்பாடு ஏமாற்றமே அளித்துள்ளது. இது குறித்து பேசிய சபா கரீம், "எதிரணி பந்துவீச்சாளர்கள் அவருக்கென ஒரு திட்டத்தை வகுத்துள்ளனர். அவருக்கான சாதகப் பந்துகள் மிகக் குறைவு."

" மும்பை அணி கேப்டன்ஷிப் அழுத்தம், அணியின் மோசமான செயல்பாடு என அனைத்தும் அவரை கடுமையாக பாதிக்கின்றன. மற்ற சிறந்த பேட்டர்கள் தங்கள் ஆட்டத்தை புதுப்பித்துக் கொள்கின்றனர். ஹர்திக்கும் அதைப் பின்தொடர வேண்டும்." ஐபிஎல் 2026-ல் ஏழு இன்னிங்ஸ்களில் ஹர்திக் பாண்டியா 128 ரன்கள் சராசரி 21.33, ஸ்ட்ரைக் ரேட் 152.38) எடுத்தார்.

பேட்டிங்கில் மட்டுமல்லாமல், பந்துவீச்சிலும் பாண்டியா எதிர்பார்த்த அளவில் சோபிக்கவில்லை. முன்னாள் MI வேகப்பந்து வீச்சாளர் மிட்செல் மெக்ளெனகன் தெரிவித்துள்ளார். இது குறித்து பேசிய அவர், மெக்ளெனகன் "பந்துவீச்சில் சரியான நேரத்தில் செயல்படுவது முக்கியம். அவர் புதிய பந்தை எடுக்கவே விரும்புவார். நான் கவனித்தபடி, அவரது பந்துவீச்சுத் துல்லியம் சற்று குறைவாகவே உள்ளது. ஒரு ஓவரில் 3-4 நல்ல பந்துகள் வீசிவிட்டு, மற்ற இரண்டில் தவறிழைக்கிறார்."

"ஒரு நல்ல பந்து விக்கெட்டைப் பெற்றாலும், அந்த ஓவர் 14 ரன்கள் தருகிறது. அவர் இன்னும் பொறுப்பேற்க வேண்டும். பவர்பிளேயின் கடைசி ஓவர்களில் அவர் நன்றாகப் பந்துவீசலாம்." ஐபிஎல் 2026-ல் ஏழு இன்னிங்ஸ்களில் பாண்டியா நான்கு விக்கெட்டுகள் (சராசரி 57.25, எகானமி 12.26) வீழ்த்தினார்.