ஐபிஎல் வரலாற்றில் இதுவரை பர்பிள் தொப்பியை வெல்லாத நட்சத்திர பவுலர்கள் பட்டியல்

மும்பை : ஐபிஎல் போட்டிகளில் ரன் திருவிழா நடக்கும் நிலையில், பல போட்டிகளை பவுலர்களே வென்று தந்துள்ளனர். அப்படி பவுலர்களின் முக்கியத்துவத்தை உணர்த்தும் விதமாக, ஒவ்வொரு சீசனிலும் அதிக விக்கெட்டுகளை வீழ்த்தும் வீரர்களுக்கு பர்பிள் தொப்பி என்ற விருது வழங்கப்பட்டது. ஆனால், அந்த விருதை பல தலைச்சிறந்த நட்சத்திர வீரர்கள் வாங்கவில்லை என்றால் சொன்னால் உங்களால் நம்ப முடிகிறதா? அது யார் என்று தற்போது பார்க்கலாம்.

இந்தப் பட்டியலில் முதலிடத்தை பிடித்தவர் சுனில் நரைன். கொல்கத்தா நைட் ரைடர்ஸ் அணிக்காக 2012-ல் ஐபிஎல்-லில் அறிமுகமான சுனில் நரைன், 189 போட்டிகளில் 192 விக்கெட்டுகளை வீழ்த்தி, லீக்கின் மூன்றாவது அதிக விக்கெட் எடுத்தவர் பட்டியலில் உள்ளார். பலமுறை சிறப்பாக செயல்பட்டும், ஒரு சீசனில் கூட அதிக விக்கெட் எடுத்தவராக அவர் வரவில்லை.

மும்பை இந்தியன்ஸ் அணியின் நட்சத்திர வேகப்பந்து வீச்சாளர் ஜஸ்பிரித் பும்ரா, 145 ஐபிஎல் போட்டிகளில் விளையாடி 183 விக்கெட்டுகளை வீழ்த்தியுள்ளார். தனது துல்லியமான யார்க்கர்கள் மற்றும் டெத் ஓவர் பந்துவீச்சால் உலக அளவில் புகழ்பெற்ற பும்ராவுக்கும் பர்பில் கேப் ஒரு கனவாகவே உள்ளது.

தோனி புகையிலை ஹூக்காகவை பயன்படுத்த தனி நபரை வைத்திருப்பார்.. முன்னாள் சிஎஸ்கே வீரர் பரபர பேச்சு

டி20 சர்வதேச 193 விக்கெட்டுகள், ஒட்டுமொத்த டி20 யில் 702 விக்கெட்டுகள் போட்டிகளில் அதிக விக்கெட் எடுத்த ரஷித் கான், ஐபிஎல்-லில் சன்ரைசர்ஸ் ஹைதராபாத் மற்றும் குஜராத் டைட்டன்ஸ் அணிக்காக 136 போட்டிகளில் 158 விக்கெட்டுகளை எடுத்துள்ளார். இந்த ஆப்கான் நட்சத்திர சுழற்பந்து வீச்சாளருக்கும் பர்பில் கேப் இன்னும் கிடைக்கவில்லை.

உலகின் தலைசிறந்த புதிய பந்து வீச்சாளர்களில் ஒருவரான நியூசிலாந்தின் ட்ரென்ட் போல்ட் 120 போட்டிகளில் 143 விக்கெட்டுகள் பல ஐபிஎல் அணிகளுக்காக விளையாடியுள்ளார். இந்தியாவின் டி20 சர்வதேசப் போட்டிகளில் அதிக விக்கெட் எடுத்த அர்ஷ்தீப் சிங், ஐபிஎல் 2025-இல் பஞ்சாப் அணிக்காக அதிக விக்கெட் எடுத்த போதும், இருவருக்கும் பர்பில் கேப் கிடைக்கவில்லை.

தமிழகத்தைச் சேர்ந்த சுழல்பந்து வீச்சாளர் வருண் சக்கரவர்த்தி, கொல்கத்தா அணிக்காக 84 ஐபிஎல் போட்டிகளில் 100 விக்கெட்டுகளை வீழ்த்தி, 2024-இல் இரண்டாவது அதிக விக்கெட் எடுத்தார். ஐபிஎல்-ன் முதல் சீசன் முதல் விளையாடி, சென்னை சூப்பர் கிங்ஸின் அதிக விக்கெட் எடுத்தவரான ரவீந்திர ஜடேஜா (254 போட்டிகளில் 170 விக்கெட்டுகள்) ஆகியோருக்கும் பர்பில் கேப் கனவாகவே உள்ளது.

தோனி கிடையாது.. இனி சஞ்சு சாம்சன் தான் விக்கெட் கீப்பர், கேப்டன் எல்லாம்.. அணில் கும்ப்ளே கருத்து

பியூஷ் சாவ்லா 192 விக்கெட்டுகள், ஆர். அஸ்வின் 187 விக்கெட்டுகள், மற்றும் ஹர்பஜன் சிங் 150 விக்கெட்டுகள் போன்ற அனுபவமிக்க லெஜண்ட்ஸ் பந்துவீச்சாளர்களும் தங்கள் ஐபிஎல் வாழ்க்கையில் அற்புதமான பங்களிப்பைச் செய்திருந்தபோதும், பர்பில் கேப்பை வெல்லும் வாய்ப்பை பெறவில்லை.