IPL 2026: முகமது ஷமி வரலாற்று சாதனை.. சொன்னதை செய்தார்.. பக்கத்தில் யாருமே இல்ல!

லக்னோ: ஐபிஎல் 2026 தொடரில் டெல்லி கேபிடல்ஸ் அணிக்கு எதிரான போட்டியில் லக்னோ சூப்பர் ஜெயிண்ட்ஸ் அணியின் முகமது ஷமி, வரலாறு படைத்துள்ளார். 4 ஓவர்களில் 28 ரன்கள் கொடுத்து ஒரு விக்கெட்டை வீழ்த்திய ஷமி, ஐபிஎல் வரலாற்றில் 5 முறை இன்னிங்ஸின் முதல் பந்தில் விக்கெட்டை வீழ்த்திய முதல் பந்துவீச்சாளர் ஆனார்.

லக்னோவில் நடைபெற்ற இப்போட்டியில், 142 ரன்கள் இலக்குடன் களமிறங்கிய டெல்லி கேபிடல்ஸ் அணியின் இன்னிங்ஸின் முதல் பந்திலேயே ஷமி லக்னோவுக்கு சிறப்பான தொடக்கத்தை அளித்தார். ஷமியின் பந்துவீச்சில் ஷாட் ஆடிய தொடக்க வீரர் கே.எல். ராகுல், மொஹ்சின் கானிடம் கேட்ச் கொடுத்து கோல்டன் டக் ஆனார்.

35 வயதான ஷமி, ஐபிஎல் வரலாற்றில் ஒரு இன்னிங்ஸின் முதல் பந்தில் ஐந்து முறை விக்கெட்டை வீழ்த்திய முதல் பந்துவீச்சாளர் எனும் பெருமையைப் பெறுகிறார். 7 பந்துவீச்சாளர்கள் மூன்று முறை இதைச் செய்திருந்தாலும், ஷமி மட்டுமே ஐந்து முறை சாதித்த ஒரே வீரர் ஆவார். பிரவீன் குமார், உமேஷ் யாதவ், ட்ரென்ட் போல்ட், லசித் மலிங்கா, புவனேஷ்வர் குமார், அசோக் டிண்டா, பாட் கம்மின்ஸ் ஆகியோர் தலா 3 முறை இச்சாதனையைப் பதிவு செய்தவர்களில் அடங்குவர்.

LSG vs DC: ரிஷப் பண்ட்க்கு நெர்ந்த கொடுமை.. கொஞ்சம் கூட லக் இல்ல.. புதிய இடம், பழைய முடிவு

லக்னோ சூப்பர் ஜெயன்ட்ஸ் ஷமிக்கு ஐபிஎல்-ல் ஆறாவது அணியாகும். கொல்கத்தா நைட் ரைடர்ஸ், டெல்லி கேப்பிடல்ஸ், பஞ்சாப் கிங்ஸ், குஜராத் டைட்டன்ஸ், சன்ரைசர்ஸ் ஹைதராபாத் ஆகிய அணிகளில் அவர் முன்பு விளையாடியுள்ளார். கடந்த ஐபிஎல் 2025 சீசனில் சன்ரைசர்ஸ் ஹைதராபாத் அணிக்காக 9 போட்டிகளில் வெறும் 6 விக்கெட்டுகளை மட்டுமே எடுத்த போதிலும், ஐபிஎல் 2026 ஏலத்திற்கு முன்னதாக SRH உடனான வர்த்தக ஒப்பந்தம் மூலம் LSG, ஷமியை ஒப்பந்தம் செய்தது.

IPL 2026: தமிழக வீரர் நடராஜன் மாஸ் கம்பேக்.. அபார பந்துவீச்சால் தட்டு தடுமாறிய லக்னோ பேட்டிங்

கடந்த ஐபிஎல் 2025 தொடரில், அதிக ரன்களை விட்டுக் கொடுத்ததால், சன்ரைசர்ஸ் ஹைதராபாத் அணியில் ஷமிக்கு விளையாடும் லெவனில் இடம் கிடைக்கவில்லை. அவர் அந்த சீசனை மோசமான 11.23 எகானமி ரேட்டுடன் முடித்ததோடு, ஒரு ஐபிஎல் போட்டியில் இந்திய பந்துவீச்சாளரால் அதிக ரன்கள் கொடுத்த விரும்பத்தகாத சாதனையையும் படைத்தார். இத்தகைய விமர்சனங்களுக்கு மத்தியில், ஷமி ஒருமுறை எனது சாதனைகளைப் பாருங்கள், எந்த இந்திய பந்துவீச்சாளராவது என் அருகில் வருவாரா என்று போட்டிக்கு முன்பு கூறியிருந்தார்.