IPL 2026: பும்ராவை மும்பை அணி பத்திரமாக பார்த்துக்கனும்.. ரவி சாஸ்த்ரி எச்சரிக்கை

மும்பை: நடப்பு ஐபிஎல் 2026 தொடரில் மும்பை இந்தியன்ஸ் அணிக்கு இது ஒரு சவாலான காலகட்டமாக அமைந்துள்ளது. ஐந்து முறை சாம்பியன் பட்டம் வென்ற அந்த அணி, இதுவரை விளையாடிய பத்து ஆட்டங்களில் மூன்று வெற்றிகளுடன் புள்ளிப்பட்டியலில் ஒன்பதாம் இடத்தில் உள்ளது. இந்நிலையில், அணியின் நட்சத்திர வேகப்பந்து வீச்சாளர் ஜஸ்பிரித் பும்ராவின் செயல்பாடு, அவரது கடந்த கால தரத்துடன் ஒப்பிடுகையில் சற்றே குறைவாகவே இருந்து வருகிறது.

பல விமர்சனங்களுக்கு மத்தியில், இதற்கு மனச்சோர்வு ஒரு முக்கிய காரணியாக இருக்கலாம் என்று முன்னாள் இந்திய அணியின் தலைமைப் பயிற்சியாளர் ரவி சாஸ்திரி கருத்து தெரிவித்துள்ளார்.இது குறித்து பேசிய ரவி சாஸ்திரி, "கடந்த 12 மாதங்களாக இந்திய அணிக்காக அதிக பணிச்சுமையுடன் விளையாடிவிட்டுதான் பும்ரா இந்த ஐபிஎல் தொடருக்குள் நுழைந்துள்ளார்" என்று குறிப்பிட்டார்.

மேலும், "அவரது சிரமங்கள் உடல் ரீதியானவை மட்டுமல்ல. மிகப்பெரிய காரணம் மனச்சோர்வுதான்" என்றும் விளக்கினார்."மும்பை இந்தியன்ஸ் அணி அவரை கவனமாகப் பார்த்துக்கொள்ள வேண்டும். அடுத்த இரண்டு ஆண்டுகளில், பல டெஸ்ட் தொடர்கள் மற்றும் 50 ஓவர் உலகக் கோப்பை எனப் பல போட்டிகள் அடங்கிய ஒரு பரபரப்பான அட்டவணை உள்ளது" என்று சாஸ்திரி சுட்டிக்காட்டினார்.

"ஆகவே, அவரது உடற்தகுதியையும் பணிச்சுமையையும் மிகக் கவனமாக நிர்வகிக்க வேண்டும்" என்றும் ரவி சாஸ்திரி வலியுறுத்தினார். வழக்கமாகவே எதிரணி பேட்ஸ்மேன்களுக்கு ஒரு அச்சுறுத்தலாக விளங்கும் பும்ரா, இந்த ஐபிஎல் தொடரில் தனது 10 ஓவர்களில் வெறும் 3 விக்கெட்டுகளை மட்டுமே வீழ்த்தி, 329 ரன்களை வாரி வழங்கியுள்ளார். அணியின் துருப்புச்சீட்டாகக் கருதப்படும் பும்ரா, இம்முறை பேட்ஸ்மேன்களால் எளிதாக ரன்கள் எடுக்கப்பட்டு, ஒட்டுமொத்த அணியின் செயல்பாட்டிலும் பெரும் தாக்கத்தை ஏற்படுத்தியுள்ளது.

மும்பை இந்தியன்ஸ் அணி இத்தொடரை கொல்கத்தா நைட் ரைடர்ஸ் அணிக்கு எதிரான வெற்றியுடன் தொடங்கியது. எனினும், டெல்லி கேபிடல்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு மற்றும் பஞ்சாப் கிங்ஸ் அணிகளுக்கு எதிராக அடுத்தடுத்து தோல்விகளைச் சந்தித்தது. குஜராத் டைட்டன்ஸ் அணிக்கு எதிராக ஒரு வெற்றி பெற்று மீண்டாலும், சென்னை சூப்பர் கிங்ஸ் (இருமுறை) மற்றும் சன்ரைசர்ஸ் ஹைதராபாத் அணிகளிடம் மீண்டும் பின்னடைவைச் சந்தித்தது. பின்னர் லக்னோ சூப்பர் ஜெயன்ட்ஸ் அணிக்கு எதிராக ஒரு வெற்றியைப் பதிவு செய்துள்ளது.