குஜராத் லயன்ஸ்.. இதுதாங்க ரெய்னா கேப்டனாக கலக்கப் போகும் புது டீம் பெயர்!

மாநிலப் பெயருடன் வரும் முதல் அணி

ஐபிஎல் அணிகள் அனைத்துமே அந்தந்த நகரின் பெயர்களைத் தாங்கியே உள்ளன. ஆனால் ராஜ்கோட் மட்டுமே குஜராத் லயன்ஸ் என்று மாநிலத்தின் பெயரைத் தாங்கி வருகிறது.

கேப்டன் ரெய்னா

இந்த அணியின் கேப்டனாக அனைவரும் எதிர்பார்த்தது போல சுரேஷ் ரெய்னா அறிவிக்கப்பட்டுள்ளார். அணியின் பயிற்சியாளராக பிராட் ஹாட்ஜ் அறிவிக்கப்பட்டுள்ளார்.

சவுராஷ்டிரா ஜடேஜா

ராஜ்கோட் அணி ரெய்னாவை ரூ. 12.5 கோடி கொடுத்து வாங்கியுள்ளது என்பது நினைவிருக்கலாம். இந்த அணியில் ரவீந்திர ஜடேஜாவும் இடம் பெற்றுள்ளார். இவர் குஜராத்தைச் சேர்ந்தவர்.

ஜடேஜா ரேட் ரூ 9.5 கோடி

ரவீந்திர ஜடேஜா, சவுராஷ்டிரா பகுதியைச் சேர்ந்தவர். இவரை ரூ. 9.5 கோடிக்கு ஏலத்தில் எடுத்துள்ளது ராஜ்கோட் அணி.

டிவிட்டர் பேஸ்புக்கிலும்

இந்த அணியின் டிவிட்டர் முகவரியும் (@TheGujaratLions), பேஸ்புக் முகவரியும் (facebook.com/TheGujaratLions) வெளியிடப்பட்டுள்ளது. மேலும் அணியின் லோகோவையும் வெளியிட்டுள்ளனர்.