சஞ்சு சாம்சனுக்கு அவர் தான் எதரி.. கோலிக்கு காத்திருக்கும் கண்டம்.. ஆகாஷ் சோப்ரா கருத்து

சஞ்சு சாம்சனே எதிரி

ஹசரங்கா பந்துவீச்சில் சஞ்சு சாம்சன் தொடர்ந்து ஆட்டமிழந்து விடுகிறார். அதற்கு காரணம் சஞ்சு சாம்சன் தான், நீ யாராக இரந்தாலும் சரி, எவ்வளவு பெரிய ஆளாக இருந்தாலும் சரி, உன் பந்துவீச்சை நான் அடிப்பேன் என அதிரடி காட்ட நினைத்து விக்கெட்டை இழக்கிறார் அதற்கு பதில் ஹசரங்கா ஓவரில் அமைதி காத்துவிட்டு, மற்றவர்கள் பந்துவீச்சில் அடிக்கலாம். சஞ்சு சாம்சன் தனக்குள் போராடி வென்றாலே வெற்றி கிடைக்கும்.

கோலிக்கு கண்டம்

விராட் கோலி குறித்து பேசிய ஆகாஷ் சோப்ரா, பிரசித் கிருஷ்ணா பந்துவீச்சில் கோலி 2 முறை ஆட்டமிழந்து இருக்கிறார். பிரசித் கிருஷ்ணா பந்துவீச்சை மட்டும் அவர் பத்திரமாக எதிர்கொண்டால் பிறகு அவர் ரன் அடிக்கலாம். சாஹலும் கோலிக்கு சிக்கலை உண்டாக்கலாம். ஏனெனில் இருவரும் ஒரே அணியில் இருந்ததால், ஒருவரை ஒருவர் அதிகமாக போட்டியில் எதிர்கொண்டது இல்லை. இதனால் அவர்களுக்குள் நடக்கும் பந்தயத்தையும் பார்க்க வேண்டும்.

காத்திருக்கும் சவால்

டுபிளஸிஸ்க்கு எப்போதுமே இடது கை வேகப்பந்துவீச்சாளரால் சிக்கல் உள்ளது. கடந்த போட்டியில் கூட மோஷின் கான் பந்துவீச்சில் தான் டுபிளஸிஸ் டக் அவுட் ஆனார். இதே போன்று மார்கோ யான்சனும் டுபிளஸிஸ்க்கு தலை வலியை தந்துளளார். இதனால் இன்றைய ஆட்டத்தில் பவுல்ட், டுபிளஸிஸ்க்கு சிம்ம சொப்பனமாக இருக்க வாய்ப்புள்ளது.

எச்சரிக்கை தேவை

ஜாஸ்பட்லர் பொறுத்தவரை, அவர் தொடக்கத்தில் இருந்தே அதிரடியாக விளையாடி ரன் குவிக்க வேண்டுமே தவிர ஆங்கர் ரோல் செய்ய கூடாது. இதே போன்று மேக்ஸ்வெல் சாஹல் பந்துவீச்சை அதிரடியாக ஆடி ரன் குவிக்க முய்றசி செய்வார். ஆனால் அது சில சமயம் வெற்றியை தந்தாலும், சில சமயம் ஆபத்தில் கூட முடியலாம் என்று ஆகாஷ் சோப்ரா கூறினார்.