|
ஹர்திக் போட்ட படம்
ஹர்திக் பண்டியா தன் சகோதரர் க்ருனால் பண்டியா மற்றும் வெஸ்ட் இண்டீஸ் வீரர் கீரன் பொல்லார்ட் உடன் இணைந்து புகைப்படம் எடுத்து பதிவிட்டார். இவர்கள் மூவரும் மும்பை இந்தியன்ஸ் அணியில் ஆடி வருகிறார்கள். இந்த புகைப்படத்திற்கு பதில் அளித்த மும்பை இந்தியன்ஸ் அணி "இதை விட சிறப்பான ஆல்-ரவுண்டர்கள் வேண்டும்.. நாங்கள் காத்திருக்கிறோம்" என அவர்களை கேலி செய்தது.
சன்ரைசர்ஸ் போட்ட பதிவு
மும்பை இந்தியன்ஸ் பதிவுக்கு பதில் அளித்த சன்ரைசர்ஸ் ஹைதராபாத் அணி, "காத்திருக்கவே வேண்டாம்" எனக் கூறி தங்கள் அணியின் மூன்று சிறந்த ஆல்-ரவுண்டர்களின் (முகமது நபி, ரஷித் கான், மற்றும் ஷகிப் அல் ஹசன்) புகைப்படத்தை பகிர்ந்தது. இவர்கள் மூவரும் ஒருநாள் மற்றும் டி20 ஆல்-ரவுண்டர்கள் தர வரிசையிலும் முன்னணியில் இருப்பவர்கள்.
கோப்பை தான் முக்கியம்
இதைக் கண்ட மும்பை இந்தியன்ஸ் அணி சன்ரைசர்ஸ் அணி ஒருமுறை மட்டுமே ஐபிஎல் கோப்பை வென்றுள்ளது. ஆனால், மும்பை இந்தியன்ஸ் மூன்று முறை வென்றுள்ளது என குறிப்பிடும் வகையில் தாங்கள் வென்ற மூன்று கோப்பைகளின் புகைப்படங்களை பதிவிட்டு, "நீங்கள் இன்னும் காத்திருங்கள்" என கூறியது.
லந்து பண்ணிய சிஎஸ்கே
இந்த சண்டை ஒருபுறம் நடந்து கொண்டிருக்க, மற்றொருபுறம் சிஎஸ்கே அணி ஹர்திக் பண்டியா போட்ட மூன்று மும்பை இந்தியன்ஸ் வீரர்கள் புகைப்படத்திற்கு போட்டியாக, தோனியை மூன்று முகம் ரஜினி போல கிராபிக்ஸ் செய்து மூன்று தோனி நடந்து வருவது போல ஒரு படத்தை பதிவிட்டு அல்லு கிளப்பியது.