4 பந்துகளில் 4 விக்கெட்.. டி-20 உலகக்கோப்பையில் முதல் சாதனை.. அசத்திய அயர்லாந்து பவுலர்..செம பவுலிங்

அயர்லாந்து பவுலர்

20 ஓவர்களில் நெதர்லாந்து அணி அனைத்து விக்கெட்டுகளையும் இழந்து வெறும் 106 ரன்களே எடுத்தது. அயர்லாந்து அணியின் பவுலர் கர்டிஸ் கேம்பர் 4 ஓவர்கள் வீசி 26 ரன்கள் மட்டுமே விட்டுக்கொடுத்து 4 விக்கெட்டுகளை சாய்த்தார். அதுவும் ஒரே ஓவரில் தொடர்ந்து 4 விக்கெட்டுகளை சாய்த்து உலக சாதனை படைத்தார் கர்டிஸ் கேம்பர். அந்த ஒரு ஓவரே ஆட்டத்தை முழுவதுமாக அயர்லாந்து பக்கம் கொண்டு வந்தது.

4 பந்துகளில் 4 விக்கெட்

அதாவது நெதர்லாந்து 9 ஓவர்களில் 2 விக்கெட் இழப்புக்கு 50 ரன்கள் எடுத்திருந்தது. 10-வது ஓவரை வீச வந்தார் அயர்லாந்து பவுலர் கர்டிஸ் கேம்பர். இந்த ஓவரின் 2-வது பந்து, 3-வது பந்து, 4-வது மற்றும் 5-வது பந்துகள் என தொடர்ச்சியாக 4 பந்துகளில் 4 விக்கெட் எடுத்து ஹாட்ரிக், தொடர்ச்சியாக 4 விக்கெட் என்ற சாதனைகளை படைத்தார் கர்டிஸ் கேம்பர்.

லசித் மலிங்கா, ரஷீத்கான்

டி20 போட்டியில் இதுவரை 20 முறை ஹாட்ரிக் சாதனை நிகழ்த்தப்பட்டுள்ளது. அதே வேளையில் ஒரே ஓவரில் தொடர்ந்து 4 விக்கெட்டுகளை சாய்த்தவர்கள் பட்டியலில் 2 பேர் மட்டுமே இதுவரை இருந்தனர். ஆப்கானிஸ்தான் பவுலர் ரஷீத்கான் 2019-ம் ஆண்டு அயர்லாந்துக்கு எதிராக தொடச்சியாக 4 விக்கெட்கள் எடுத்திருந்தார். இலங்கை முன்னாள் பவுலர் லசித் மலிங்கா 2019-ம் ஆண்டு நியூசிலாந்துக்கு எதிராக தொடர்ந்து 4 விக்கெட்கள் வீழ்த்தி இருந்தார். தற்போது இந்த பட்டியலில் அயர்லாந்து பவுலர் கர்டிஸ் கேம்பரும் இணைந்துள்ளார். டி-20 உலகக்கோப்பையில் இந்த சாதனையை நிகழ்த்தி இருப்பது இதுவே முதன்முறையாகும்.

நெதர்லாந்து தோல்வி

நெதர்லாந்து அணி நிர்ணயித்த மிக எளிதான இலக்கை நோக்கி ஆடிய அயர்லாந்து 15 ஓவரில் 3 விக்கெட்டுகளை இழந்து இலக்கை எட்டியது. தொடர்ச்சியாக 4 பந்துகளில் 4 விக்கெட் எடுத்து சாதனை படைத்த கர்டிஸ் கேம்பர் ஆட்டநாயகன் விருது பெற்றார்.