ஒரே மேட்ச்சில் இப்படியா செய்வது!!.. தோனி, ரிஷப் சாதனைகளை ஊதி தள்ளிய இஷான் கிஷன்.. ரசிகர்கள் வியப்பு

இஷானுக்கு குவியும் பாராட்டு

வெஸ்ட் இண்டீஸுக்கு எதிரான டி20 தொடரில் இஷான் கிஷனின் பேட்டிங் விமர்சனங்களை கிளப்பியது. ஆனால் அதற்கெல்லாம் நேற்று பதில் கொடுத்தார். 56 பந்துகளை சந்தித்த அவர், 10 பவுண்டரி மற்றும் 3 சிக்ஸர்களுடன் 89 ரன்களை விளாசினார். இதற்காக அனைவரும் பாராட்டு தெரிவித்து வருகின்றனர்.

சாதனை

இந்நிலையில் நேற்றைய போட்டியில் இஷான் கிஷன் பெரும் சாதனை ஒன்றையும் படைத்துள்ளார். அதாவது சர்வதேச டி20 கிரிக்கெட்டில் ஒரு போட்டியில் அதிக ரன்கள் அடித்த விக்கெட் கீப்பர் பேட்ஸ்மேன் என்ற சாதனையை படைத்தார். இதற்குமுன் ரிஷப் பண்ட் 65 ரன்களுடன் முதலிடத்தில் இருந்தார். கே.எல். ராகுல் (57), தோனி (56) ஆகியோர் அடுத்தடுத்த இடங்களில் இருக்கிறார்கள். ஆனால் 89 ரன்கள் அடித்து முதலிடத்தை இஷான் கிஷன் பிடித்துள்ளார்.

2 அரைசதங்கள்

இதே போல இஷான் இதுவரை வெறும் 9 போட்டிகளில் விளையாடி, 2 அரைசதங்களை விளாசி சாதனை படைத்துள்ளார். முன்னாள் கேப்டன் மகேந்திரசிங் தோனி டி20 கிரிக்கெட்டில் 2 அரை சதங்களை எடுக்க 85 இன்னிங்ஸ்களில் விளையாடினார் என்பது குறிப்பிடத்தக்கது.

Recommended Video

IPL 2022: CSK and captain MS Dhoni are in upset, after BCCI makes a bold decision | Oneindia Tamil

தொடர்ந்து வாய்ப்பு

இஷான் கிஷான் சிறப்பான இன்னிங்ஸை விளையாடி இருப்பதால் இனி வரும் அடுத்த 2 போட்டிகளிலும் அவருக்கு தான் ஓப்பனிங் இடம் இருக்கும் எனத்தெரிகிறது. கடைசி வரை வாய்ப்புகாக காத்திருந்த ருதுராஜ் கெயிக்வாட் காயம் காரணமாக வெளியேறியது ரசிகர்களுக்கு அதிருப்தியை கொடுத்துள்ளது.