விராட் கோலியின் மெகா சாதனையை முறியடித்த ஜோஸ் பட்லர்.. சர்வதேச டி20 ரன் குவிப்பில் 3வது இடம்

சவுதாம்ப்டன்: இந்தியாவுக்கு எதிரான 5வது டி20 போட்டியில் இங்கிலாந்து அணியின் நட்சத்திர பேட்ஸ்மேன் ஜோஸ் பட்லர் அதிரடி சதம் விளாசி பல்வேறு உலக சாதனைகளைத் தகர்த்துள்ளார். இந்த அதிரடி ஆட்டத்தின் மூலம், சர்வதேச டி20 போட்டிகளில் அதிக ரன்கள் குவித்தவர்கள் பட்டியலில் விராட் கோலியை முந்தி பட்லர் 3வது இடத்தைப் பிடித்துள்ளார்.

ரோஸ் பவுல் மைதானத்தில் நடைபெற்ற இந்தப் போட்டியில் இங்கிலாந்து அணியின் தொடக்க வீரராகக் களம் இறங்கிய ஜோஸ் பட்லர், 64 பந்துகளில் 12 பவுண்டரிகள் மற்றும் 8 சிக்சர்களுடன் 131 ரன்கள் குவித்தார். இந்த அதிரடி சதத்தின் மூலம் சர்வதேச டி20 போட்டிகளில் அவரது ஒட்டுமொத்த ரன்கள் எண்ணிக்கை 4212 ஆக உயர்ந்தது. இதன் மூலம் 125 போட்டிகளில் 4188 ரன்கள் எடுத்துள்ள இந்திய அணியின் விராட் கோலியை பட்லர் முந்தினார்.

இந்தப் போட்டியில் பட்லர் மற்றும் இங்கிலாந்து கேப்டன் ஹாரி புரூக் ஜோடி இணைந்து 2வது விக்கெட்டுக்கு வெறும் 102 பந்துகளில் 233 ரன்கள் குவித்து சாதனை படைத்தது. மேலும், பட்லர் அடித்த 131 ரன்கள், டி20 கிரிக்கெட் வரலாற்றில் இந்தியாவுக்கு எதிராக ஒரு பேட்ஸ்மேன் எடுத்த அதிகபட்ச தனிநபர் ஸ்கோராகும்.

மேலும் இது ஜோஸ் பட்லரின் ஒட்டுமொத்த டி20 கிரிக்கெட் வாழ்க்கையில் அடித்த 9வது சதமாகும். இதில் ஆச்சரியம் என்னவென்றால், இங்கிலாந்து மண்ணில் அவர் அடிக்கும் முதல் சதம் இதுதான். மற்ற 8 சதங்களில் 7 இந்தியாவிலும் மற்றும் ஒன்று ஐக்கிய அரபு அமீரகத்திலும் அடிக்கப்பட்டது. இந்தப் போட்டியில் ஜோஸ் பட்லர் படைத்த உலக சாதனைகள் மற்றும் சர்வதேச டி20 கிரிக்கெட்டின் முக்கிய புள்ளிவிவரங்களின் முழுமையான பட்டியல் கீழே வழங்கப்பட்டுள்ளது -

சர்வதேச டி20 போட்டிகளில் அதிக ரன்கள் குவித்தவர்கள்:

• பாபர் அசாம் (பாகிஸ்தான்) - 145 போட்டிகளில் 4596 ரன்கள் (சராசரி: 38.94)
• ரோஹித் சர்மா (இந்தியா) - 159 போட்டிகளில் 4231 ரன்கள் (சராசரி: 32.05)
• ஜோஸ் பட்லர் (இங்கிலாந்து) - 160 போட்டிகளில் 4212 ரன்கள் (சராசரி: 33.96)
• விராட் கோலி (இந்தியா) - 125 போட்டிகளில் 4188 ரன்கள் (சராசரி: 48.69)
• பால் ஸ்டிர்லிங் (அயர்லாந்து) - 163 போட்டிகளில் 3895 ரன்கள் (சராசரி: 26.31)
• மார்ட்டின் கப்டில் (நியூசிலாந்து) - 122 போட்டிகளில் 3531 ரன்கள் (சராசரி: 31.81)
• முகமது ரிஸ்வான் (பாகிஸ்தான்) - 106 போட்டிகளில் 3414 ரன்கள் (சராசரி: 47.41)
• முகமது வசீம் (யுஏஇ) - 99 போட்டிகளில் 3371 ரன்கள் (சராசரி: 36.24)
• வீரன்தீப் சிங் (மலேசியா) - 122 போட்டிகளில் 3370 ரன்கள் (சராசரி: 36.23)
• டேவிட் வார்னர் (ஆஸ்திரேலியா) - 110 போட்டிகளில் 3277 ரன்கள் (சராசரி: 33.43)

இந்தியாவுக்கு எதிராக டி20 போட்டிகளில் அடிக்கப்பட்ட அதிகபட்ச தனிநபர் ரன்கள்:

• ஜோஸ் பட்லர் (இங்கிலாந்து) - 131 ரன்கள் (சவுதாம்ப்டன், 2026)
• எவின் லூயிஸ் (வெஸ்ட் இண்டீஸ்) - 125* ரன்கள் (கிங்ஸ்டன், 2017)
• ஷேன் வாட்சன் (ஆஸ்திரேலியா) - 124* ரன்கள் (சிட்னி, 2016)
• கிளென் மேக்ஸ்வெல் (ஆஸ்திரேலியா) - 113* ரன்கள் (பெங்களூரு, 2019)
• ஜோஸ் இங்கிலிஸ் (ஆஸ்திரேலியா) - 110 ரன்கள் (விசாகப்பட்டினம், 2023)

டி20 போட்டிகளில் இங்கிலாந்து வீரர்களின் அதிகபட்ச தனிநபர் ரன்கள்:

• பிலிப் சால்ட் - 141* ரன்கள் (எதிரணி தென்னாப்பிரிக்கா, மான்செஸ்டர், 2025)
• ஜோஸ் பட்லர் - 131 ரன்கள் (எதிரணி இந்தியா, சவுதாம்ப்டன், 2026)
• பிலிப் சால்ட் - 119 ரன்கள் (எதிரணி வெஸ்ட் இண்டீஸ், தரோபா, 2023)
• அலெக்ஸ் ஹேல்ஸ் - 116* ரன்கள் (எதிரணி இலங்கை, சட்டோகிராம், 2014)

“நாங்க செய்த இந்த தவறுகள் தான் தோல்விக்கு காரணம்”.. கேப்டன் ஸ்ரேயாஸ் ஐயர் வேதனை.. என்ன சொன்னார்?

டி20 கிரிக்கெட் வரலாற்றில் அதிகபட்ச பார்ட்னர்ஷிப் (முன்னணி நாடுகள்):

• ஹஸ்ரதுல்லா ஜஜாய் மற்றும் உஸ்மான் கானி (ஆப்கானிஸ்தான்) - 236 ரன்கள் (முதல் விக்கெட், எதிரணி அயர்லாந்து, டேராடூன், 2019)
• ஜோஸ் பட்லர் மற்றும் ஹாரி புரூக் (இங்கிலாந்து) - 233 ரன்கள் (2வது விக்கெட், எதிரணி இந்தியா, சவுதாம்ப்டன், 2026)
• ஆரோன் பிஞ்ச் மற்றும் டி'ஆர்சி ஷார்ட் (ஆஸ்திரேலியா) - 223 ரன்கள் (முதல் விக்கெட், எதிரணி ஜிம்பாப்வே, ஹராரே, 2018)
• சஞ்சு சாம்சன் மற்றும் திலக் வர்மா (இந்தியா) - 210* ரன்கள் (2வது விக்கெட், எதிரணி தென்னாப்பிரிக்கா, ஜோகன்னஸ்பர்க், 2024)

முடிவுக்கு வந்தது இந்தியாவின் 1605 நாட்கள் ஆதிக்கம்.. டி20 தரவரிசையில் நம்பர் 1 இடத்தில் இங்கிலாந்து