ஐ.சி.சி. கிரிக்கெட் தரவரிசை: முதலிடத்தை எட்டி பிடிக்கிறார் கோஹ்லி!!

291 ரன்கள்

நியூசிலாந்துக்கு எதிரான ஒரு நாள் தொடரில் ஒரு சதம், 2 அரைசதம் உள்பட 291 ரன்கள் சேர்த்திருந்தார் கோஹ்லி.

2வது இடம்

இதனால் கூடுதலாக 11 தரவரிசை புள்ளிகளை பெற்று தற்போது 2-வது இடத்தில் இருக்கிறார்.

2 புள்ளி வித்தியாசம்தான்..

கோஹ்லிக்கும் முதலிடம் வகிக்கும் டிவில்லியர்சுக்கும் இடையே உள்ள புள்ளி வித்தியாசம் வெறும் இரண்டு தான்.

டோணி 6வது இடம்

இதேபோல் கேப்டன் டோணி 6-வது இடத்தில் இருக்கிறார்.

தவான் இறக்கம்

இந்திய தொடக்க வீரர் ஷிகர் தவான் ஒரு இடம் இறங்கி 11-வது இடத்தில் உள்ளார். ரோகித் ஷர்மா 24-வது இடத்திலும், சுரேஷ் ரெய்னா 29-வது இடத்திலும் உள்ளனர்.

அஜ்மல் முதலிடம்

பந்து வீச்சாளர்களின் தரவரிசையில் பாகிஸ்தான் சுழற்பந்து வீச்சாளர் சயீத் அஜ்மல் முதலிடத்தில் நீடிக்கிறார்.

ஜடேஜாவுக்கு பின்னடைவு

இந்திய வீரர் ஜடேஜா, நியூசிலாந்து தொடரில் 5 ஆட்டங்களில் வெறும் 4 விக்கெட் மட்டுமே எடுத்ததால் பின்னடைவை எதிர்கொண்டுள்ளார். அவர் 3 இடங்கள் இறங்கி 9-வது இடத்திற்கு தள்ளப்பட்டு இருக்கிறார்.

ஷமி முன்னேற்றம்

ஷமி 6 இடங்கள் முன்னேறி 35-வது இடத்தை பிடித்துள்ளார்.

அஸ்வின் 22வது இடம்

தமிழகத்தை சேர்ந்த சுழற்பந்து வீச்சாளர் அஸ்வின் 22-வது இடத்தில் இருக்கிறார்.

2வது இடத்தில் இந்தியா

நியூசிலாந்து தொடருக்கு முன்பாக 120 புள்ளிகளுடன் முதல் இடத்தில் இருந்த இந்திய அணி தோல்விகளால் 115 புள்ளியுடன் 2-வது இடத்திற்கு சரிந்தது.

நியூசி முன்னேற்றம்

இந்திய தொடரை 4-0 என்ற கணக்கில் வென்ற நியூசிலாந்து அணி 8 புள்ளிகளை கூடுதலாக பெற்று தரவரிசையில் 8-வது இடத்தில் இருந்து 7-வது இடத்தை எட்டியுள்ளது.