என்னா அடி..! மரண மாஸ்..! 39 பந்துகளில் சதம், 13 சிக்ஸ், 8 விக்..! டி 20ல் சாதித்த ஐபிஎல் வீரர்

7 விக். சாதனை

பின்னர் பந்துவீசிய அவர், 4 ஓவர்களில் 8 விக்கெட்டுகளை அள்ளி சாதனை படைத்தார். இது டி 20 தொடரில் சாதனை. இங்கிலாந்து வீரர் காலின் ஆக்கர்மன் 7 விக்கெட் வீழ்த்தியதே சாதனையாக இருந்தது. அதை முறியடித்திருக்கிறார் கிருஷ்ணப்பா கவுதம்.

அங்கீகாரம் இல்லை

டி20 போட்டியில் அவர் எடுத்த ரன்கள் சிறந்தவை. ஆனால், மாநில டி20 லீக்குகளுக்கு அதிகாரப்பூர்வ டி20 அந்தஸ்து இல்லை. எனவே, இது அதிகாரப்பூர்வ பதிவாக எடுத்துக் கொள்ள முடியாது. இந்த போட்டிக்கு ஐசிசியின் அங்கீகாரம் கிடையாது என்ற போதிலும், சாதனைக்கு சமூக வலைத்தளங்களில் பாராட்டுகள் குவிந்து வருகின்றன.

மிக்க மகிழ்ச்சி

இந்தச் சாதனை குறித்து கவுதமும் மகிழ்ச்சி தெரிவித்துள்ளார். அவர் கூறியதாவது: இதை எதிர்பார்க்கவில்லை. எனக்கு ஆதரவளித்த அனைவருக்கும் நன்றி என்றார். நீங்கள் அதிகம் ரசித்தது பந்துவீச்சையா, பேட்டிங்கையா என்று கேள்வி எழுப்பிய போது, எனது தோழியின் புன்னகையை என்று கூறினார்.

முறியடித்த சாதனை

ஐபிஎல் தொடரில் ராஜஸ்தான் ராயல்ஸ் அணிக்காக ஆடி வரும் இவர் அந்த அணிக்கும் ஒரு சில போட்டிகளை தவிர, மற்ற ஆட்டங்களில் அதிரடியாக ஆடியிருக்கிறார். கர்நாடக டி 20 போட்டியில் ஒரு அபார ஆட்டத்தை ஆடி உலகில் பல சாதனைகளை முறியடித்துள்ளார். ஒரே போட்டியில் சதம் அடித்தும் 8 விக்கெட்டுகளை வீழ்த்திய கிரிக்கெட்டில் மிகப்பெரிய சாதனையை படைத்துள்ளார். இதுவரை டி20 போட்டிகளில் எந்த ஒரு வீரரும் இப்படியான சாதனையை படைக்கவில்லை என்பது குறிப்பிடத்தக்கது.