2025 ஆம் ஆண்டு சர்வதேச கிரிக்கெட்டிலிருந்து விடைபெற்ற 23 கிரிக்கெட் வீரர்கள் பட்டியல்!

மும்பை: 2025-ம் ஆண்டு, கிரிக்கெட் ரசிகர்களுக்கு மறக்க முடியாத, அதே சமயம் சோகம் நிறைந்த ஆண்டாக அமைந்துள்ளது. இந்த ஆண்டு தொடங்கி 8 மாதங்கள் ஆன நிலையில், விராட் கோலி, ரோஹித் சர்மா, ஸ்டீவ் ஸ்மித், புஜாரா எனப் பல ஜாம்பவான்கள் தங்களது ஓய்வை அறிவித்து, ரசிகர்களுக்கு அதிர்ச்சி மேல் அதிர்ச்சி கொடுத்துள்ளனர்.

கிரிக்கெட் உலகின் மிகப்பெரிய தாக்கமாக, இந்திய அணியின் தூண்களான விராட் கோலி மற்றும் ரோஹித் சர்மா, டெஸ்ட் கிரிக்கெட்டிலிருந்து ஓய்வு பெறுவதாக அறிவித்தனர். டெஸ்ட் போட்டிகளில் தங்களது ஃபார்ம் சரியாக இல்லாததால் இந்த முடிவை எடுத்த அவர்கள், இனி ஒருநாள் போட்டிகளில் மட்டும் கவனம் செலுத்த உள்ளனர்.

இவர்களைத் தொடர்ந்து, இந்திய டெஸ்ட் அணியின் 'பெருஞ்சுவர்' என்று அழைக்கப்பட்ட புஜாராவும், இந்திய கிரிக்கெட்டின் அனைத்து வடிவங்களிலிருந்தும் தனது ஓய்வை சமீபத்தில் அறிவித்தார்.

இவர்கள் மட்டுமல்லாது, இந்திய வீரர்களான விருத்திமான் சாஹா, வருண் ஆரோன், பியூஷ் சாவ்லா, ரிஷி தவான் ஆகியோரும் சர்வதேச கிரிக்கெட்டுக்கு விடைபெற்றனர். மகளிர் கிரிக்கெட்டில் வேதா கிருஷ்ணமூர்த்தி, கௌஹர் சுல்தானா ஆகியோரும் ஓய்வு பெற்றனர்.

இந்திய வீரர்களைப் போலவே, பல வெளிநாட்டு நட்சத்திரங்களும் தங்களது ஓய்வை அறிவித்து ரசிகர்களைச் சோகத்தில் ஆழ்த்தியுள்ளனர். ஆஸ்திரேலியாவின் ஸ்டீவ் ஸ்மித் மற்றும் கிளென் மேக்ஸ்வெல் ஆகியோர் ஒருநாள் போட்டிகளிலிருந்தும், மிட்செல் ஸ்டார்க் டி20 போட்டிகளில் இருந்தும் ஓய்வு பெற்றனர். தென்னாப்பிரிக்காவின் அதிரடி வீரர் ஹென்ரிச் கிளாசென், வெஸ்ட் இண்டீஸின் நிக்கோலஸ் பூரன், நியூசிலாந்தின் மார்ட்டின் கப்தில் ஆகியோர் அனைத்து விதமான சர்வதேசப் போட்டிகளிலிருந்தும் ஓய்வு பெற்றனர்.

வங்கதேச அணிக்கு இது ஒரு பேரிழப்புக் காலமாக அமைந்துள்ளது. அந்த அணியின் முக்கிய வீரர்களான முஷ்ஃபிகுர் ரஹீம் (ஒருநாள்), மஹ்முதுல்லா மற்றும் தமீம் இக்பால் (அனைத்து வடிவங்கள்) ஆகியோர் ஓய்வு பெற்றுள்ளனர். அதேபோல, இலங்கை அணியின் மூத்த வீரர்களான ஏஞ்சலோ மேத்யூஸ் (டெஸ்ட்) மற்றும் திமுத் கருணாரத்னே (அனைத்து வடிவங்கள்) ஆகியோரும் தங்களது சர்வதேசப் பயணத்தை முடித்துக் கொண்டனர். பாகிஸ்தானின் ஆசிப் அலி, ஆப்கானிஸ்தானின் ஷபூர் சத்ரான் ஆகியோரும் ஓய்வு பெற்ற வீரர்கள் பட்டியலில் இணைந்துள்ளனர்.

2025-ல் ஓய்வு பெற்ற வீரர்களின் பட்டியல்

* விராட் கோலி - இந்தியா (டெஸ்ட்)
* ரோஹித் சர்மா - இந்தியா (டெஸ்ட்)
* ஸ்டீவ் ஸ்மித் - ஆஸ்திரேலியா (ஒருநாள் போட்டி)
* முஷ்பிகுர் ரஹீம் - பங்களாதேஷ் (ஒருநாள் போட்டி)
* மஹ்முதுல்லா - பங்களாதேஷ் (அனைத்து வடிவங்கள்)
* தமிம் இக்பால் - பங்களாதேஷ் (அனைத்து வடிவங்கள்)
* மார்கஸ் ஸ்டோய்னிஸ் - ஆஸ்திரேலியா (ஒருநாள் போட்டி)
* மார்ட்டின் குப்தில் - நியூசிலாந்து (அனைத்து வடிவங்கள்)
* திமுத் கருணாரத்னே - இலங்கை (அனைத்து வடிவங்கள்)
* ஏஞ்சலோ மேத்யூஸ் - இலங்கை (டெஸ்ட்)
* க்ளென் மேக்ஸ்வெல் - ஆஸ்திரேலியா (ஒருநாள் போட்டி)
* ரிஷி தவான் - இந்தியா (ஒருநாள் மற்றும் T20I)
* வருண் ஆரோன் - இந்தியா (அனைத்து வடிவங்கள்)
* விருத்திமான் சாஹா - இந்தியா (அனைத்து வடிவங்கள்)
* ஷபூர் சத்ரான் - ஆப்கானிஸ்தான் (அனைத்து வடிவங்கள்)
* ஹென்ரிச் கிளாசென் - தென்னாப்பிரிக்கா (அனைத்து வடிவங்கள்)
* பியூஷ் சாவ்லா - இந்தியா (அனைத்து வடிவங்கள்)
* நிக்கோலஸ் பூரன் - மேற்கிந்திய தீவுகள் (அனைத்து வடிவங்கள்)
* வேதா கிருஷ்ணமூர்த்தி - இந்தியா (அனைத்து வடிவங்கள்)
* கோஹர் சுல்தானா - இந்தியா (அனைத்து வடிவங்கள்)
* சேதேஷ்வர் புஜாரா - இந்தியா (அனைத்து வடிவங்கள்)
* மிட்செல் ஸ்டார்க் - ஆஸ்திரேலியா (T20I)
* ஆசிஃப் அலி - பாகிஸ்தான் (அனைத்து வடிவங்கள்)

மொத்தத்தில், 2025-ம் ஆண்டு ஒரு தலைமுறை கிரிக்கெட் வீரர்களின் விடைபெறும் ஆண்டாக அமைந்து, சர்வதேச கிரிக்கெட்டில் ஒரு பெரும் வெற்றிடத்தை ஏற்படுத்தியுள்ளது.