வருஷத்துக்கு ரூ. 140 கோடி... "பாதி கேப்டன்" ஆனாலும் பக்காவாக கல்லா கட்டும் டோணி!

மங்காத புகழ் கொண்ட தங்கத் தலைவா:

டெஸ்ட் போட்டியில் இருந்து ஓய்வு பெற்று 8 மாதங்கள் ஆகிவிட்டாலும் டோணியின் புகழ் மங்கவில்லை. அவர் தான் விளம்பரம் மூலம் அதிகம் சம்பாதிக்கிறார்.

ரூ. 140 கோடி... காசு பணம் துட்டு:

ஒருநாள் போட்டி மற்றும் 20 ஓவர் ஆட்டத்தின் கேப்டனான டோணி விளம்பரம் மூலம் ஆண்டுக்கு ரூபாய் 130 கோடி முதல் ரூபாய் 140 கோடி வரை சம்பாதிக்கிறார்.

கை நிறைய பிராண்டுகள்:

பெப்சி, ரீபெக், பூஸ்ட் உள்பட 15 விளம்பர நிறுவனங்கள் அவரது கைவசம் உள்ளது. ரித்தி ஸ்போர்ட்ஸ் நிறுவனம் அவரது விளம்பரங்களை கவனித்து வருகிறது. இதை அவரது நண்பன் நடத்துகின்றார்.

2வது இடம்தான் கோஹ்லிக்கு:

இந்திய டெஸ்ட் அணியின் கேப்டனாக கோஹ்லி அதற்கு அடுத்த நிலையில் உள்ளார். அவருக்கு விளம்பரம் மூலம் ஆண்டுக்கு ரூபாய் 60 கோடி முதல் ரூபாய் 70 கோடி கிடைக்கிறது.

13 நிறுவனங்கள் கோஹ்லிக்கு:

டெஸ்ட் கேப்டனாக வலம் வரும் விராத் கோஹ்லியிடம், டி.வி.எஸ்., அடிடாஸ், பூஸ்ட், எம்.ஆர்.எப். உள்பட 13 நிறுவனங்கள் அவர் கைவசம் இருக்கிறது.

3வது இடத்தில் தவான்:

ஷிகர் தவான் ரூபாய் 6 கோடி முதல் ரூபாய் 7 கோடி வரையிலும், ரோகித்சர்மா ரூபாய் 4 கோடி முதல் 5 கோடி வரையிலும், ரெய்னா, அஸ்வின் ரூபாய் 2 கோடி முதல் 3 கோடி வரையிலும், ரகானே ரூபாய் 2 கோடியும் ஆண்டுக்கு விளம்பரம் மூலம் சம்பாதிக்கிறார்கள்.