சச்சின் டெண்டுல்கர் கிடையாது.. இவர் தான் எனக்கு பிடித்த சிறந்த வீரர்.. மேத்தியூ ஹைடன் கருத்து

மும்பை: ஆஸ்திரேலிய அணியின் முன்னாள் ஜாம்பவான் தொடக்க ஆட்டக்காரர் மேத்யூ ஹைடன், தனக்கு மிகவும் பிடித்த சிறந்த பேட்டரை தேர்வு செய்துள்ளார். சச்சின் டெண்டுல்கரைத் தேர்ந்தெடுக்காமல் வெஸ்ட் இண்டீஸ் அணியின் லெஜண்ட் பிரையன் லாராவைத் தனக்கு பிடித்த பேட்டராக ஹைடன் தேர்வு செய்துள்ளார்.

'மிட்விக்கெல்ட் ஸ்டோரீஸ்' நிகழ்ச்சியின் சுற்றின் போது ஹைடனிடம் அவருக்குப் பிடித்த பேட்டர் மற்றும் பவுலர் யார் என்ற கேள்வி கேட்கப்பட்டது. அப்போது அவர் லாராவைத் தேர்ந்தெடுத்தார். வெஸ்ட் இண்டீஸ் அணிக்காக 131 டெஸ்ட் மற்றும் 299 ஒருநாள் போட்டிகளில் லாரா விளையாடியுள்ளார். அவர் டெஸ்ட் போட்டிகளில் 52.88 சராசரியுடன் 34 சதங்கள் மற்றும் 48 அரைசதங்கள் உட்பட 11953 ரன்கள் குவித்துள்ளார்.

இதில் டெஸ்ட் கிரிக்கெட்டில் தனிநபர் அதிகபட்ச ஸ்கோராக அவுட் ஆகாமல் 400 ரன்கள் எடுத்த உலக சாதனையும் அடங்கும். ஒருநாள் போட்டிகளில் 40.48 சராசரியுடன் 19 சதங்கள் மற்றும் 63 அரைசதங்கள் உட்பட 10405 ரன்களை அவர் குவித்துள்ளார். இதில் அவரது அதிகபட்ச ரன்கள் 169 ஆகும்.

IND vs NZ: விராட் கோலி, ரோகித் சர்மாவுக்கு எச்சரிக்கை கொடுத்த நியூசிலாந்து வீரர்

இதே நிகழ்ச்சியில் பங்கேற்ற இந்திய அணியின் முன்னாள் சுழற்பந்து வீச்சாளர் ஹர்பஜன் சிங்கிடமும் அவருக்குப் பிடித்த பேட்டர் யார் என்ற கேள்வி கேட்கப்பட்டது. அதற்கு அவர் சச்சின் டெண்டுல்கரின் பெயரைப் பதிலளித்தார். சச்சின் டெண்டுல்கர் இந்திய அணிக்காக 200 டெஸ்ட் மற்றும் 463 ஒருநாள் போட்டிகளில் விளையாடியுள்ளார்.

அவர் டெஸ்ட் போட்டிகளில் 53.78 சராசரியுடன் 51 சதங்கள் மற்றும் 68 அரைசதங்களுடன் 15,921 ரன்கள் குவித்துள்ளார். ஒருநாள் போட்டிகளில் 44.83 சராசரியுடன் 49 சதங்கள் மற்றும் 96 அரைசதங்கள் உட்பட 18,426 ரன்களை சச்சின் விளாசியுள்ளார்.

மேத்யூ ஹைடனும் ஆஸ்திரேலியாவின் மிகச்சிறந்த பேட்டர்களில் ஒருவராக திகழ்ந்தவர் என்பது குறிப்பிடத்தக்கது. 1993 ஆம் ஆண்டில் சர்வதேச கிரிக்கெட்டில் அறிமுகமான அவர், நாட்டின் அனைத்து வகை போட்டிகளிலும் விளையாடினார். 1993-இல் ஒருநாள் போட்டியிலும், 1994-இல் டெஸ்ட் போட்டியிலும், 2005-இல் டி20 போட்டியிலும் அவர் அறிமுகமானார்.

அவர் 103 டெஸ்ட், 161 ஒருநாள் மற்றும் 9 டி20 போட்டிகளில் விளையாடியுள்ளார். டெஸ்ட் போட்டிகளில் 50.73 சராசரியுடன் 30 சதங்கள் மற்றும் 29 அரைசதங்கள் உட்பட 8625 ரன்கள் குவித்துள்ளார். இதில் இவரது அதிகபட்ச ஸ்கோர் 380 ஆகும், இது இவருக்குப் பிடித்த பேட்டரான பிரையன் லாராவின் உலக சாதனை ஸ்கோரான 400 ரன்களுக்கு மிக அருகில் வந்ததாகும்.

Also Read

சுப்மன் கில் கூச்ச சுபாவம் உடையவர்.. ரொம்ப அமைதியா இருப்பார்.. GT பயிற்சியாளர் நெஹ்ரா கருத்து

ஒருநாள் போட்டிகளில் 43.80 சராசரியுடன் 10 சதங்கள் மற்றும் 36 அரைசதங்களுடன் 6133 ரன்கள் எடுத்துள்ளார். இதில் இவரது அதிகபட்ச ஸ்கோர் அவுட் ஆகாமல் 181 ரன்கள் ஆகும். டி20 போட்டிகளில் 51.33 சராசரியிலும், 143.92 ஸ்டிரைக் ரேட்டிலும் 4 அரைசதங்களுடன் 308 ரன்கள் எடுத்துள்ளார். இதில் இவரது அதிகபட்ச ஸ்கோர் அவுட் ஆகாமல் 73 ரன்கள் ஆகும்.