சச்சின் டெண்டுல்கரை நோக்கி விரலை காட்டி... மித்தாலி ராஜ் சூப்பர் வாழ்த்து

மித்தாலி ராஜின் வாழ்த்து

இந்திய மகளிர் கிரிக்கெட் அணியின் முக்கியமான ஸ்டார்களில் ஒருவர் மித்தாலி ராஜ். அவர் இன்று தனது டிவிட்டர் பக்கத்தில் சச்சின் டெண்டுல்கருடன் இருப்பது போன்ற புகைப்படத்தைப் போட்டுள்ளார். அதில் சச்சின் டெண்டுல்கர் தனது வழக்கமான உற்சாகப் புன்னகையுடன் காட்சி தருகிறார். அருகில் மித்தாலி ராஜ் கம்பீரமாக உட்கார்ந்திருக்கிறார்.

அருமையான ஜென்டில்மேன்

சச்சினை நோக்கி விரலைச் சுட்டிக் காட்டியபடி பேசுகிறார் அவர். இது ஒரு பழைய நிகழ்ச்சியில் எடுக்கப்பட்ட படம்தான். ஆனால் இப்போது அவர் பேசுவது போலவே நமக்குத் தோன்றியது. இந்த படத்தைப் போட்டு மித்தாலி ராஜ் கூறுகையில், ரொம்ப மகிழ்ச்சிகரமான பிறந்த நாள் வாழ்த்துகள் சச்சின். பலரையும் கிரிக்கெட் மீது ஆர்வம், லட்சியம் கொள்ள வைத்தவர் மட்டுமல்ல, அருமையான ஜென்டில்மேனும் கூட என்று மனதார புகழ்ந்துள்ளார் மித்தாலி ராஜ்.

நாமும் வாழ்த்துவோம்

ஜென்டில்மேன் என்று பெயர் எடுப்பது ரொம்ப ரொம்ப கஷ்டம். அப்படிப்பட்ட நிலையில் மிகவும் பெருமிதமாக சச்சின் டெண்டுல்கரை கெளரவித்து மித்தாலி ராஜ் போட்டுள்ள இந்த வாழ்த்து உண்மையிலேயே சச்சினை பெருமைப்படுத்துவதாக அமைந்துள்ளது. நாமளும் சேர்ந்து சச்சினை வாழ்த்துவோம்.

சாதனை சச்சின்

கிரிக்கெட்டில் சச்சின் டெண்டுல்கர் படைக்காத சாதனையே இல்லை. டெஸ்ட் கிரிக்கெட் போட்டிகளில் 200 போட்டிகள் ஆடி 15,291 ரன்களைக் குவித்துள்ளார். 463 ஒரு நாள் போட்டிகளில் ஆடி 18,426 ரன்கள் குவித்துள்ளார். இந்திய அணிக்காக ஒரே ஒரு சர்வதேச டி20 போட்டியில் ஆடி 10 ரன்கள் எடுத்துள்ளார். ஐபிஎல் போட்டிகளில் 78 போட்டிகளில் ஆடி 2334 ரன்கள் எடுத்துள்ளார்.