யார் இந்த மோசின் கான்? டி20 உலகக்கோப்பையில் சேர்க்க வலுக்கும் கோரிக்கை..அதுவும் பும்ராவுக்கு மாற்று

பும்ரா விலகல்

இந்த சூழலில் தான் ஜஸ்பிரித் பும்ரா டி20 உலகக்கோப்பையில் இருந்து விலகுவதாக அறிவிக்கப்பட்டுள்ளது. காயத்தினால் பாதிக்கப்பட்ட அவர் முழு உடற்தகுதி இல்லை என்பதால் விலகுவதாக விளக்கம் அளிக்கப்பட்டுள்ளது. இதனையடுத்து பும்ராவுக்கு மாற்றாக ஷமி, முகமது சிராஜ், ஆவேஷ் கான், தீபக் சஹார் என பலரும் போட்டி போட்டு வருகின்றனர்.

யார் இந்த மோசின் கான்

இந்நிலையில் திடீரென மோசின் கான் என்ற வீரரின் பெயரை ரசிகர்கள் ட்ரெண்டாக்கி வருகின்றனர். 24 வயதாகும் மோசின் கான் உத்தரபிரதேசத்தை சேர்ந்த இடது கை வேகப்பந்துவீச்சாளர் ஆகும். உள்ளூர் போட்டிகளில் கலக்கி வந்த மோசின் கான் கடந்த ஐபிஎல் தொடரின் மூலம் ரசிகர்களின் கவனத்தை ஈர்த்தார்.

அசத்தல் ரெக்கார்ட்

குஜராத் அணிக்காக அறிமுகமாக மோசின் கான், 9 போட்டிகளில் 14 விக்கெட்களை கைப்பற்றி அசத்தினார். அவரின் எகானமி ரேட்டும் 5.097 மட்டுமே ஆகும். நடப்பாண்டு ஐபிஎல்-ல் டெத் ஓவர்களில் மிகவும் குறைவான ரன்களை விட்டுக்கொடுத்த பவுலர் இவர் தான் ஆகும். இவரை ஒரு சிறப்பு காரணத்திற்காக டி20 உலகக்கோப்பையில் சேர்க்க வேண்டும் என ரசிகர்கள் கோரி வருகின்றனர்.

அப்படி என்ன காரணங்கள்

மோசின் கான் நன்கு உயரம் கொண்ட ஒரு இடதுகை வேகப்பந்துவீச்சாளர் ஆவார். இந்திய களத்திலேயே அட்டகாசமாக ஸ்விங் செய்த இவர், ஆஸ்திரேலியா போன்ற களம் கிடைத்தால் பெரிய தாக்கத்தை ஏற்படுத்துவார். மிட்செல் ஸ்டார், ஜான்சன் போன்ற வீரர்கள் ஆஸ்திரேலியாவில் சோபித்தது இப்படி தான். எனவே மோசின் கானை சேர்க்க வேண்டும் என ரசிகர்கள் கோரி வருகின்றனர்.