வீட்டில் இருப்பதைப் போன்ற உணர்வு
இந்திய அணியில் இடம் பெற்றிருப்பது எனக்கு பெருமை தருகிறது. டிரஸ்ஸிங் ரூமில் இருக்கும்போது வீட்டில் இருப்பதைப் போன்றே உணர்வேன். இந்திய வீரர்களுடனான உறவு உணர்வுப் பூர்வமானது.
ஆங்கிலம் தெரியாவிட்டாலும்
எனக்கு ஆங்கிலம் சரியாக பேச வராது. இதனால் ஆரம்பத்தில் தடுமாறினேன். ஆனால் வீரர்கள் அதைப் பொருட்படுத்தாமல் என்னை அப்படியே ஏற்றுக் கொண்டனர். தட்டிக் கொடுத்து ஊக்கம் தந்தனர்.
கை கால் உதறியது
இந்திய அணியில் யார் அறிமுகமானாலும் டிரஸ்ஸிங் ரூமுக்கு வரும்போது வீரர்களுக்கு முன்பு பேச வேண்டும். என்னையும் அப்படிப் பேசச் சொன்னபோது எனக்கு கையும் ஓடவில்லை காலும் ஓடவில்லை. பதட்டமாக இருந்தேன்.
சகஜமாக பழக வராது
நமது அணியின் பெரும்பாலான வீரர்கள் மிகவும் வெளிப்படையானவர்கள். சோஷியலாக பழகக் கூடியவர்கள். எனக்கு அப்படி இல்லை. கூச்ச சுபாவம் கொண்டவன். எனவே என்னால் பேச முடியவில்லை. ஆங்கிலத்தில் பேசத் தெரியாது, எனவே இந்தியில் பேசுகிறேன் என்று கூறி விட்டு சில வார்த்தைகள்தான் பேசினேன்.
அட எதுல பேசுனா என்னப்பா
ஆனால் வீரர்கள் எதில் பேசினால் என்ன தைரியமா பேசு என்று தட்டிக் கொடுத்தது இன்னும் நினைவில் உள்ளது. மறக்க முடியாத அனுபவம். என்னை அப்படியே அவர்கள் ஏற்றுக் கொண்டது ஆச்சரியமானது.
டோணி அப்பா
கேப்டன் டோணி குறித்துக் கேட்டால் என்ன சொல்வது.. எனக்கு அவர் அப்பா போல. ஒரு தந்தை - மகன் உறவு போன்றது எங்களுடைய உறவு. இதற்கு மேல் என்ன சொல்வது என்று தெரியவில்லை என்றார் சமி.
காயங்களால் அவதி
சமி அடுத்தடுத்து காயம் ஏற்பட்டு அணியில் நிரந்தரமாக இடம் பெற முடியாமல் தவித்து வருகிறார். கடைசியாக அவர் ஒரு நாள் போட்டியில் ஆடியது 2015ல் சிட்னியில் நடந்த உலகக் கோப்பை அரை இறுதிப் போட்டியில்தான். அதில் இந்தியா தோல்வியுற்றது.