இது தோனியின் டீம்... கடைசி வரை கூலாக விளையாடிய சிஎஸ்கேயின் வெற்றி மந்திரம்!

தோனியின் மந்திரம்

கேப்டன் கூல் மகேந்திர சிங் தோனி, எந்த சூழ்நிலையிலும் பரபரப்போ, பதற்றமோ அடையாமல் மிகவும் நிதானமாக கையாள்வார். அவருடன் இருப்பதால், சிஎஸ்கே வீரர்களுக்கும் அது தொற்றிக் கொண்டுள்ளது. ஹைதராபாத் அணிக்கு எதிரான ஆட்டத்தில் மோசமான நிலையில் இருந்தபோதும் டுபிளாசி அந்த தோனியின் மந்திரத்தை கையாண்டார்.

வயதானவர்கள் அணியா

மிகவும் வயதானவர்கள் உள்ள அணி என்று கிண்டல் செய்யப்பட்டது சிஎஸ்கே. தம்பிங்களா நாங்க சிஎஸ்கேடா, என்று தைரியமாக கூறும் அளவுக்கு கடைசி கட்டம் வரை அதிரடியாக ஆடக் கூடிய அனுபவமுள்ள வீரர்களை பெற்றது அணியின் முக்கிய பலமாகும். அணியின் இளம் வீரர்களும் அதை படித்துக் கொண்டிருப்பார்கள்.

சிஎஸ்கே சாதனை

சிஎஸ்கே அணி இந்த சீசனையும் சேர்த்து தான் விளையாடிய 9 சீசன்களிலும் பிளே ஆப் முன்னேறியுள்ளது. இந்த சாதனையை புரிந்துள்ள ஒரே அணி சிஎஸ்கேதான். இதுவரை 8 சீசன்களில் 2 முறை சாம்பியன் பட்டத்தை வென்றது. 4 முறை இரண்டாவது இடத்தைப் பிடித்தது. 2 முறை மட்டுமே பைனல்ஸ் வாய்ப்பை இழந்தது.

விசில் போடுங்க

தற்போது 7வது முறையாக பைனல்ஸ் முன்னேறியுள்ள சிஎஸ்கே தான் இந்த முறை கோப்பையை வெல்லும் என்று சீசனின் துவக்கத்தில் இருந்தே பெரும் எதிர்பார்ப்பு இருந்தது. பரபரப்பான ஆட்டங்கள், ஹார்ட் அட்டாக் ஆட்டங்கள், திரில் வெற்றி ஆட்டங்கள் என்று ஒவ்வொரு போட்டியும் மாறி மாறி அமைந்தாலும், கூலாக இருப்பதுதான் வெற்றியின் மந்திரம் என்பதை தோனியின் அணியினர் மீண்டும் ஒருமுறை நிரூபித்து காட்டியுள்ளனர்.