மும்பை இந்தியன்ஸ் அணியின் பெயர் மாற்றம்.. ரசிகர்கள் அதிருப்தி.. அதே பெயரை வைத்திருக்கலாம்

பெயர் காரணம்

15 ஆண்டுகளுக்கு முன்பு, மராட்டியர்கள் மட்டும் தான் மும்பை சொந்தம் என்று சிவசேனாவின் பால்தாக்கரே கூறி இருந்தார். ஆனால், இதை பொருத்து கொள்ள முடியாத முகேஷ் அம்பானி, மும்பை அனைத்து இந்தியர்களுக்கும் சொந்தம் என்று கருத்து கூற, இதற்கு சிவசேனா எதிர்ப்பு தெரிவித்தது.

நீல நிற ஜெர்சி

அப்போது தான் ஐபிஎல் தொடர் உருவாக்கப்பட்டது. அப்போது மும்பை அணியை உடனே வாங்கிய முகேஷ் அம்பானி அதற்கு மும்பை இந்தியன்ஸ் என்று பெயர் வைத்தார். மும்பைக்கும், இந்தியாவுக்கும் இருக்கும் இணைப்பை உறுதிப்படுத்தும் விதமாக இந்த பெயர் பார்க்கப்பட்டது. அது மட்டுமல்லாமல் இந்திய கிரிக்கெட் அணி பயன்படுத்தும், அதே நீல நிற ஜெர்சியை மும்பையும் தேர்வு செய்தது.

Recommended Video

IPL, BBL பாணியில் CSA T20 League! லாபத்தில் Franchise Auction | Aanee's Appeal | *Cricket

புதிய அணிகள்

இதுவரை மும்பை அணியும், சென்னை அணியும் தான் ஜெர்சியின் நிறத்தை மாற்றவில்லை. தற்போது ஐபிஎல் அணிகள், மற்ற நாடுகளை சேர்ந்த கிரிக்கெட் தொடரில் விளையாட போகும் அணியை வாங்கி வருகிறது. இதில் மும்பை அணி, ஐக்கிய அரபு அமீரகத்தில் நடைபெறும் லீக் தொடரில் ஒரு அணியையும், தென்னாப்பிரிக்காவில் நடைபெறும் டி20 தொடரில் ஒரு அணியையும் வாங்கியது. இதற்கு மும்பை இந்தியன்ஸ் அணி நிர்வாகம் என்ன பெயர் வைக்க உள்ளது என்று எதிர்பார்க்கப்பட்டது.

பெயர் மாற்றம்

தற்போது மும்பை இந்தியன்ஸ் அணி வெளியிட்டுள்ள அதிகார அறிவிப்பில், யுஏஇ வில் உள்ள அணியை எம்.ஐ, எமிரேட்ஸ் என்றும், கேப் டவுன் அணியை எம்.ஐ. கேப் டவுன் என்றும் மாற்றியுள்ளது.இந்தியன்ஸ் என்ற பெயரை எடுத்துவிட்டு எமிரேட்ஸ் என்ற பெயரை ஏன் வைத்தீர்கள் என்று மும்பை இந்தியன்ஸ் ரசிகர்கள் கேள்வி கேட்க தொடங்கிவிட்டனர்.