ஐபில்.. கொல்கத்தாவை 9 ரன்கள் வித்தியாசத்தில் வீழ்த்திய மும்பை!

கொல்கத்தா: ஐ.பி.எல் டி20 கிரிக்கெட் போட்டியில் கொல்கத்தா நைட் ரைடர்ஸ் அணிக்கு 174 ரன்கள் வெற்றி இலக்காக மும்பை இந்தியன்ஸ் அணி நிர்ணயித்தது. ஆனால் 9 ரன்கள் வித்தியாசத்தில் கம்பீர் தலைமையிலான கொல்கத்தா அணி தோல்வியடைந்தது.

டாஸ் வென்ற கொல்கத்தா நைட்ரைடர்ஸ் அணி முதலில் பந்துவீச்சை தேர்வு செய்தது. இதையடுத்து களமிறங்கிய மும்பை இந்தியன்ஸ் அணி நிர்ணயிக்கப்பட்ட 20 ஓவர்களில் 5 விக்கெட்டுகளை இழந்து 173 ரன்கள் எடுத்தது. அதிகபட்சமாக அம்பத்தி ராயுடு 63 ரன்களும், சவுரப் திவாரி 52 ரன்களும் குவித்தனர். கொல்கத்தா அணியில் அதிகபட்சமாக டிரெண்ட் பவுல்ட் 2 விக்கெட்டுகளை எடுத்தார்.

174 ரன்கள் எடுத்தால் வெற்றி என்ற இலக்குடன் கொல்கத்தா அணி களமிறங்கியது. ரன் ரேட் நன்றாக இருந்தபோதிலும், சீரான இடைவெளியில் விக்கெட்டுகள் விழுந்ததால் 20 ஓவர்கள் முடிவில் அந்த அணி, 8 விக்கெட்டுகள் இழப்பிற்கு 164 ரன்களை மட்டுமே எடுக்க முடிந்தது. மணிஷ் பாண்டே அதிகபட்சமாக 33 ரன்கள் விளாசினார்.

இதனால் புள்ளி பட்டியலில் மும்பை தொடர்ந்து முதலிடத்திலேயே உள்ளது.